الأيام و الليالي...

[ابو سالم الدويخ]

ايامنا والليالي كم نعاتبهـــــــــــا***
شبنا وشابت وعفنا بعض الاحوالي

توعد مواعيدوالجاهل ما يكذبها***
والي عرف حدها من همها سالـي

ان اقبلت يوم ماتصفى مشاربها***
تقفي وتقبل وما دامت على حالـي

في كل يوم تورينا عجايبهـــــــا***
واليوم الاول تراه احسن من التالـي

ايام في غلبها وايام نغلبهــــــــا***
وايام فيها سوى والدهر ميـــــــالي

جربت الايام مثل من يجربهـــــا***
تجريب عاقل وذاق المر والحالــــي

نضحك مع الناس والدنيا نلاعبها***
نمشي مع الفي طوع حيثما مالــي

اعرف حروف الهجا بالرمز واكتبها**
عاقل ومجنون حاوي كل الاشكاالي

لاشك حظي ردي والروح متعبهــــا***
مافادني حسن تأديبي مع امثاااالي

ان جيت ابي حاجه عزت مطالبهـــا***
العفو ماحد من الخلقات ياوااالي

قوم ان جيتهم زفت شواربهـــــــــا***
بالضحك وقلوبها فيها الردى جااالي

وقوم اذا جيتها صكت حواجبهــــــــا***
وابدت لي البغض في مقفاي واقبااالي

ماكني الا مسوى حال مغضبهـــــــا*
والكل في عشرتي ماكر ودجــــــــالي

ياحيف تخفي امور كنت حاسبهـــــا***
واللي على بالهم كله على بالـــــــــــــــي

الجار جافي وكم قوم نحاربهـــــــــا***
والاهل والاصحاب والدون والعااالي

والروح وش عذرها في ترك واجبها***
راح الحسب والنسب في جمع الاموالي

نفسي تبي العز والحاجات تغضبها****
ترمي بها بين اجاويد وانذااااالي

المال يحيي رجال لا طباع لهـــــم***
كالسيل يحيي الهشيم الدمدم الباالي

عفت المنازل وروحي يوم اجنبها***
منها غنيمه وعنها البعد اولالـــــــي

لاخير في ديرة يشقى العزيز ابها***
يمشي مع الناس في هم وإذلالـــــي

دار به الخوف دايم ما يغايبهــــا***
والجوع فيها معه من بعض الاحوالـي

جوعا سرى حينها جوعا ثعالبهـا***
الكلب والهر يقدم كل ريبالــــــــي

عز الفتى راس ماله من مكاسبها***
يا مرتضي الهون لاعز ولا الأمالي

كب المنازل وقل للبين يندبهــــا***
تبكي عليها بدمع العين هطــــــالي

لاتعمر الدار والقاله تخربهــــــا***
بيع الردي بالخساره واشتر الغالــــي
،
،
،
،
،
،
،
،
،
،
،
،

إنتبه:

( **بيع الردي بالخساره و اشتر الغالي )

وسلامتكم،،،