السلام عليكم ورحمة الله وبركاته
مساكم الله بالخير ....
الكثير منا يعرف قصة الشيخ ابن حثلين رحمه الله يوم اسروه الترك وكثرت الاقاويل عنها
واغلبها متقاربه من بعض وهذي قصه رواها لي احد الشيبان ممن اثق في كلامهم .
هذي قصه حدثت للشيخ ابن حثلين مع احد البدو في الحجاز من قبيله حرب بعد
خروج ابن حثلين من الاسر . والقصه معروفه ومشهوره عند الكثير من الناس
الحقيقة ماعندي الكثير لاضيفه عن الشيخ راكان ابن حثلين هذا الشيخ الفارس الشجاع
و غيره الكثير من الفرسان الشجعان الي لازان المجلس واصطكت الرجال في المجالس على عز ومعزه ودلال وعلوم رجال وشبه نار
دائما تزين السوالف بذكرهم وسرد سيرهم وقصصهم ومواقفهم
لانهم لايتتكررون ...... هو وغيره من الفرسان المعروفين الي سوالفهم
مانملها .... المهم ذكر لي احد الشيبان الذين اثق في قصصهم واحب سوالفهم
قصه للشيخ ابن حثلين رحمه الله يقولـــــــــــــــــــــــــــــــــــــ
في اواخر اسر ابن حثلين ربطت الشيخ علاقات مع بعض السجانين الاتراك
وكان قد ذكر بعضهم في الكثير من قصائده المهم عرض على الشيخ وهو في
الاسر ان يبارز و يحارب مع تركيا لعلمهم بشجاعته الا انه رفض الكثير منها
ولاكن قال لهم سابارز فارس المهم بارز احد الفرسان كان خصم من اخصام تركيا
في ذلك الوقت فبارزه ابن حثلين وقتله ووصل علمه لزعيم الاتراك فقال له زعيم
الترك اطلب يابن حثلين فقال له ابي الصمان فترجم للزعيم التركي طلبه فاستغرب
من طلبه لجهله عن سبب طلبه للصمان بالتحديد ولماذ لم يطلب غيرها من المدن الاخرى المهم كافئة الزعيم التركي واطلق سراحه ويقال انه عرض عليه البقاء
عنده في تركيالانه اعجب بشجاعته الا ان الشيخ رفض طلبه ......المهم ارسله
محمل بجنيهات ذهب واعطاه جمل مزهب بطعام مع احد السفن المتجه لمصر ويقال
انه نزل في ينبع تقريبا فمشى على الجمل متجها للسلام على الشيخ محمد ابن رشيد
الذي تربطه به علاقه قويه وهو في الطريق في الحجاز مر على احد البدو من قبيله
حرب وكان وقت جوع وفقر فرحب البدوي الحربي بالشيخ ابن حثلين ولم يكن يعرفه
شب النار البدوي وجاب القهوه والتمر وقهوا الشيخ وكان البدوي محرج من الضيف لانه لايجد مايقدمه له من الفقر قدم البدوي العشاء وكان جراد مطبوخ على ماء فقط
وقال: البدوي اقلط ياضيف والله لو انك ابن حثلين براسه ماقلطت الا هذا لان هذا الي عندي استغرب ابن حثلين وقال انت تعرف ابن حثلين قال البدوي مافي احد مايعرف ابن حثلين قال انا اسمع عنه بس وفعوله كثار قال وش جاب طاريه على لسانك قال البدوي والله مادري لاكن جاء على البال ونبيته من غلاه وعساك تقبل فيه عذري عن عدم ضيافتي لك بالشكل المطلوب من الفقر والجوع قال ابن حثلين له انا ابن حثلين فرحب به البدوي وقال سبحان الله ياكثر ماتمنيت اني اشوفك والله جابك لي ضيف المهم قال ابن حثلين انا ابطلبك يالحربي ولازم تلبي طلبي قال الحربي ابشر قال انا معي زهابي ومعي عيش وخير وبعطيك يالحربي انحرج الحربي ووافق على طلبه وسوو عشاهم وتعشو ونامو والصبح قاموا وقال ابن
حثلين انا ابي الشيخ ابن رشيد ولازم تخاويني للشيخ قال الحربي تم مشو وراحو لابن رشيد في حايل
وجاء ابن رشيد وذكر لابن رشيد قصته مع الحربي وكافئه ابن رشيد على كرم الحربي لوكان كرمه من قل وقل حيله لاكن الكريم كريم ومعروف المهم زهب ابن رشيد البدوي الحربي بسبع بعارين مزهبات من كل شي قهوه وهيل ورز وحنطه
وخيرات استانس البدوي وقال له ابن حثلين لا باقي لك مثلهن عندي ولازم تروح معي
لدياري الصمان قال البدوي مقدر يابن حثلين ولا خوتك ماتنعاف لاكن انا وراي عيال ذابحهم الجوع ونا الحمد لله الله فرج لي والفضل لله ثم لك ولابن رشيد وعطاه ابن حثلين من الجنيهات وتوادع هو وياه وعاد ابن حثلين لدياره وربعه العجمان بعد طول غياب .... هذا الي حبيت اخبركم به من القصه واتمنى تعجبكم وهذي القصيده المعروفه
يا فاطري خبي جوانب طميه من حيث بانت مثل خشم الحصاني
خبّي طميّة والديار العذيه تنحرّى برزان زين المباني
سلام أخو نوره لزوم مجيّه قبل الحبيب وقبل قاصي وداني
وإذا قضيت اللازم اللي عليّه اللازم اللي ما قضاه الهداني
الجدى احطه خلف ظهر المطيّه واجعل نحرها في سهيل اليماني
شفّى نروح ـ الديرة ـ العسوجيه الي نسمهاكالزباد العماني
تحياتي / شمرى واخوانه العجمان
12-02-2012, 05:59 AM
العرض العادي
