حي في عيون العرب وانا قتيل..في هوا رعبوبهً من قدها.!

منصور بن جعشه · #1 16-03-2012, 10:27 AM

مل صبري منك يالصبر الطويل=
لين نفسي بيحت لي سدها=
اقضي من الليل ثلث وثلث ليل=
اسبر نجوم السما واعدها=
الله اكبر يالعيون اللي تخيل=
والظروف الخاينات تلدها=
بذ صبري بالخفا والله وكيل=
الهنوف اللي تباطا صدها=
فاحت دلال الغلا بنً وهيل=
وفاح صدري يوم جاني ردها=
الغلا فتاق والهجر العليل=
يبني صروح الغلا ويهدها=
لاقدح خشم الزناد من الفتيل=
علموها لاتعدا حدها=
وان غدا فالليل لحصاني صهيل=
جيتها لو كان ماهو ودها=
شاعرً مايعشق الا المستحيل=
وعايمً جزر البحور ومدها=
حي في عيون العرب وانا قتيل=
في هوا رعبوبهً من قدها=
بنت شيخ القوم كساب الجميل=
عزها من عز ابيها وجدها=
واخت قرم وخالها زبن الدخيل=
شايبً عوق الخصوم وندها=
دونها البلجيك والسيف الصقيل=
لا احذفت لي شالها من خدها=
مارخص عشق النبيله والنبيل=
والظروف تحدني وتحدها=
من حلاها ماتشبه بالاصيل=
الوصوف تجيبها وتردها=
مهرهً في كل عام وهي تحيل=
من غلاها في حشا من ودها=
وان سرا ليلي وانا عابر سبيل=
علموها بالوصل لابدها=
فأن سقتني من شفاها سلسبيل=
ان بغتني فدوها ماردها=
جيتها شاعر سبق جيله بجيل=
ورحت منها خاتمً في يدها=