مدخل,,,
فاحت معاميلك بهيلك وبنك
ومديت فنجال الضرم ماتقهويت
يا مخطي بالذنب تدري لو انك
رديتها لاهل الذمم كان مااخطيت
لو كان خاب بكل من جيت ظنك
ان كان ما صدقت ظنك ولاجيت
ماعاد ياقي من جنون الهوى باقي
ماعاد باقي حياةٍ لاجلك اخسرها
ماعاد يمديك لو لديت لاعناقي
قصايد الحب فيني مات شاعرها
تغيرت في عيوني نظرة اشواقي
وتكسرت في سما صدري خواطرها
ياميت القلب قلبي للجفا فاقي
وعيني عن الود غضت في مشاعرها
منحتك الحب لين ايبست خفاقي
واهديتك الروح لين ادميت ناظرها
مات الهوى واندمل جرح بالاعماقي
ونامت عيونٍ لعينك كنت اسهرها
اجهدت نفسي بليلٍ ماله اشراقي
واتعبتها مع حبيب(ن) مايقدرها
ماعاد تسوى دموعي لحظة افراقي
وش فايدة دمعتي لامات ناظرها
العام كنت القصيد وعمري الباقي
واليوم دمعة ذليلة لازم انثرها
مخرج,,,
كنك على تجريح الاصحاب كنك
معاهدنٍ نفسك عليها ووفيـــــــت
مشـــاعر المجروح لو سامحنـــــــك
يبقى لهن في داخل الصدر تنهيت
عــــزاي قبل اجيك واصــد عنك
حفظت ما وجهي بوجهي وصديت
للشاعر//زعلــــ الرشيدي,,,
11-06-2012, 10:43 AM
ماعاد باقي حياة لاجلك اخسرها...
العرض الشجري