ذواري هبـوب النـود..!!

[محمد بن منصور]

قصيدة بمناسبة تغير بعض أنماط حياة البادية،وظهور بعض أساليب الرفاهية في البادية مثل المقطورات،ولا أقول شئ ينقص فعلهم لكن أصبحت الحياة غريبة..

الا ياوجودي وجد غايب وهـو موجـود=جميع الهموم المدهشـه غـاص غبتهـا
سهر طول ليله والعرب في المنام رقـود=وعينه على دمع الحزن جـات عبرتهـا
إلى من طرالي ماضي ٍ ما عليه اشهـود=اعلوم ٍ مع العقـال قـد جـات سيرتهـا
تذكرت ربـع ٍ تذبـح الحيـل والمفـرود=وحياة البدو عقب البدو ويـش خانتهـا
إلى شفت من عقب البطا للمساق اعـدود=اعدود ٍ تملـت مـن معاطيـن جوبتهـا
وهذي ارسوم ٍ وادفنتهـا هبـوب النـود=هبوب الـذواري هايلـت مـن زبارتهـا
وهذي بقايا حـوض وادليهـم واقيـود=وهـذي بقايـا ارشيهـم فـوق زانتهـا
وهاذي براميل ٍ عليهـا الـذرى مرجـود=وسيـارة ٍ مـا بـاقـي إلاَ غمارتـهـا
وهذا مكان الشق عنـده ثـلاث إحيـود=وهـذا مشـب النـار باقـي رمادتـهـا
غدو من هل المقلوص واهل الخيام السود=وناس ٍ تبين فـي المفالـي حضارتهـا
ولا اقول شئ ٍ في محل الكـرم والجـود=اقول البـدو قـد غيـرت مـن بداوتهـا

[الذآهبه]

ولا اقــــول شــــئ ٍ فــــي مــحــل الــكــرم والــجـــود
اقـــــــول الـــبــــدو قــــــــد غــــيــــرت مــــــــن بــداوتـــهـــا

رآآئعه
صح الله لسانك يامحمد بن منصور
سلمت ي النشمي

[الـعـابـر]

صح لسانك

[محمد بن منصور]

المشاركة الأصلية كتبت بواسطة الذآهبه

رآآئعه
صح الله لسانك يامحمد بن منصور
سلمت ي النشمي

ياهلا بالذآهبه

صح بدنش ومن قال يسلم..

[محمد بن منصور]

المشاركة الأصلية كتبت بواسطة الـعـابـر

صح لسانك

مرحبا بالعابر

صح بدنك..

[صوت الجنوب]

وهذي ارسوم ٍ وادفنتها هبـوب النـود
هبوب الذواري هايلـت مـن زبارتهـا
وهذي بقايا حـوض وادليهـم واقيـود
وهذي بقايـا ارشيهـم فـوق زانتهـا
وهاذي براميل ٍ عليها الـذرى مرجـود
وسيـارة ٍ مـا باقـي إلاَ غمارتـهـا
وهذا مكان الشق عنـده ثـلاث إحيـود
وهـذا مشـب النـار باقـي رمادتهـا




ســـــــــــــــــــــــامح الله نبضك وقصيدك ...

الحقيقـــــــــــــــة ...آلمتني الأبيات...بـــــــــــس مبدع في التصوير...

[عارف دربه]

كعادتك يابو منصور جبتها جزله ولاهي غريبة

لكن وصفك .. كأنه لوحة فنية أجبرني أقرا القصيدة أكثر من مرة

صح لسانك واعتلى شانك

[محمد بن منصور]

المشاركة الأصلية كتبت بواسطة صوت الجنوب

وهذي ارسوم ٍ وادفنتها هبـوب النـود
هبوب الذواري هايلـت مـن زبارتهـا
وهذي بقايا حـوض وادليهـم واقيـود
وهذي بقايـا ارشيهـم فـوق زانتهـا
وهاذي براميل ٍ عليها الـذرى مرجـود
وسيـارة ٍ مـا باقـي إلاَ غمارتـهـا
وهذا مكان الشق عنـده ثـلاث إحيـود
وهـذا مشـب النـار باقـي رمادتهـا




ســـــــــــــــــــــــامح الله نبضك وقصيدك ...

الحقيقـــــــــــــــة ...آلمتني الأبيات...بـــــــــــس مبدع في التصوير...

صوت الجنوب

الله يحييك وأشكرك على الكلام الطيب..

[محمد بن منصور]

المشاركة الأصلية كتبت بواسطة عارف دربه

كعادتك يابو منصور جبتها جزله ولاهي غريبة

لكن وصفك .. كأنه لوحة فنية أجبرني أقرا القصيدة أكثر من مرة

صح لسانك واعتلى شانك

عارف دربه

صح بدنك..

والوصف واحد من فنيات الشعر..
وأبرك الساعات إن القصيدة جازت لك..
والوصف هذا حقيقي وراح أدراج الرياح مع هله
ومع قطين العد في السابق..
وأكيد قد شفت مثل هذا المنظر خاصة في الصفري
أو الشتاء عقب (المندى)..سابقا..
أما الآن تنكر واقف في أي منزل والحمدلله ..
هيضتني من جد (جددت جروحي)..

[خالد بن جفن]

صح الله لسانك يا محمد قصيده جميله وعلى المنكوس
لا هنت وعزالله هذا الحال لكن دوام الحال من المحال.