(vxr)
هذه قصيده للشاعر المعروف سالم العرجاني
اتمنا انا تنال لعجابكم
ابعدي ياضيقة الصدر عنـي واغربـي =عن محيا سمح لاضاق للمولـى سجـد
لاذكرت الله من الخوف عزّي لركِبـي =كيف اكابر والله الواحد الفـرد الصمـد
لنّي ادري تالي العمر وشهـو مكسبـي =ياتجـرّع مـر ولا اتـلـذذ بالشّـهـد
ياهجوس الشعر غني بصوتي والعبـي =بين ديرة جابر الخيـر والعاهـل فهـد
للعرب مذهب وانا فالشعر لي مذهبـي =وكل واحد شيخ روحه نزل ولاّ صعـد
دامني من بحر الاشعار عارف مشربي =سجلونـي للجزالـه وكيـل ٍ معتـمـد
ويش عاد اقول وانـا محـدّد منصبـي =مابقى الا لمحة البـرق لاحـن الرّعـد
راكب اللي لستوى الخط مايدبـي دبـي =منـوة السـواق فالقـار ولاّ فالجـلـد
اسمـه ال(vxr) ولاّ عريـب المنسبـي =يوم غيـره لاذكرنـاه تِكمالـة عـدد
جابه الساير يغيض الفطيمي فـي دبـي =كاتـب ٍ فـي دفتـره كافلينـه للابـد
ان نطحته قلت لبيـه ياوجـه الظبـي =وان قفيته قلـت حـر ٍ يبشّـر بالهـدد
طلتـه طلـة حليمـه وريمـا مكتبـي =ماعلي امن الطبايع علي امـن الجسـد
كن صوت محركاتـه تـردّد ياصبـي =الله اللي عزنا ويـن وابشـر بالسعـد
صانعه ماقال ضيّعت جِهـدي واتعبـي =لنّه اصلاً سهم رابـح ومكسـب للبلـد
صانعه ملعون كوثر وكافـر واجنبـي =مايفكّـر فالقبـر والنصايـب واللّحـد
لو اقول انه غبي كيف يصنع ذا غبي=مااعتقد ان الغبا من صفاتـه مااعتقـد
ان تكلّم جات الاحرف ذليلـه وتحبـي =من كلامه كن عنـده مشاكـل فالغـدد
الوكاد انه تفـوّق علـى كـل أعربـي =لاتعهد لـك بحاجـه تمسّـك بالعهـد
ولا حنّا والنعم بـس فـي كلمـة ابـي =ابي هذي وابي هذي وابي هـذي بعـد
شغلنا الشاغل لا ذعذع نسيم المغربـي =إلبس عقالك وحافظ على الغتـره هـدد
نفتخر ونقول حنا علـى نهـج النبـي =ونتفاخـر بالقصايـد ولا فينـا جهـد
الولد لامن سألتـه عريـض المنكبـي =قال انا شوق الغناديـر مَنّـور وشهـد
اعـرف mbc فيهـا رزان المغربـي =واعرف اللمبي بطولتك يامحمـد سعـد
ولا سئلت العود غنى ياكنزي وذهبـي =التجـاره عندنـا فالنعيـم وفالنّـجـد
ويوم جات قريش تبغي تخون اليثربـي =وين راح العود ولاّ الولد وين الولد؟؟!!
الله اكبر يازمان ٍ سبـى حالـي سبـي =الوعد مدري متى ويـن لكـن الوعـد
كان عمري طال والله لحقّـق مطلبـي =وعقّب اللـي فالشدايـد يمينـه ترتعـد
والهنوف اللي تحاكت وقالت وش تبـي =قلت انا قالت نعم انت وش عندك بعـد
دون مااشعر جات يمناي من فوق اشنبي =وابتسمت وقلت ياجعـل مافيهـا بـرد
ان طفت نار الغلا ماطفت نار حطبـي =والدليل اني باصرح ولا عنـدي فحـد
دامني مرتاح واشوف زول امي وابـي =جعل عين ٍماتبينـي يطاولهـا الرّمـد
سالم العرجاني
07-12-2004, 01:41 PM
العرض العادي
