السلام عليكم ورحمة الله وبركاته
قصيده بفكره شامله عن اوضاع الشبكه العنكبوتيه بشكل عام وليست على المنتدى بشكل خاص
فالـمـنـتـدى كــــلّ ٍ يــزخـــرف كـتـابـتــه
ويـنــمــق أسـئـلـتــه ويـنــمــق اجـابــتــه
الـــكـــل مـتــثــقــف ودارس ونــابــغـــه
ومـــن قـــوّ شخصـيـتـه تـبـيــن مـهـابـتـه
والـيـا طــرح مـوضـوع تعجـبـك فكـرتـه
امــحــدد اهــدافـــه ومـتــقــن إصـابــتــه
مـا شفـت لـي جـاهـل ولا شـفـت جاهـلـه
هـــذا يـجـيـب الـعـلـم وهـاذيــك جـابـتــه
لاشــــك ان هــــذي حـقـيـقـة بـعـضـهــم
أشـجـار فــي القـمـة عـلـى الـعـز نـابـتـه
لـكــن بعـضـهـم عـايــش بـفـلــم هــنــدي
يكـذب عـلـى نفـسـه ..! وصــدق كذابـتـه
لان الـتـطـبـع مــــا تــطـــول مـظــاهــره
وكــلّ ٍ عـلـى الـطـبـع الحقـيـقـي ثـوابـتـه
الايـــام تـظـهـر كـــل خـافــي وتـكـشـفـه
بـأمــر الـــذي كــــل الـعـبــاد بـرحـابـتـه
الـلـي يـقـول انــه ابــا الـعــرف والـفـهـم
كــم مـوقـف ٍ بـيـن جهـلـه وغـرابـتـه ..!
والشاعـر اللـي مـلّ الاعــلام ، واتـخـم !
يـامــا انـتـقـدنـا حـجـتــه فــــي طـلابـتــه
واللي سكن في قصر فاخر ولا ارتبط ..!
فـالـصـدق مــتــزوج ويــرمــم خـرابـتــه
والـلـي تـقـول انـهـا مــن الحـسـن فـاتـنـه
وبـنـت الامـيـر الـلـي تـقــدره لابـتــه ..!
لاشفتـهـا ؟ صـديـت مـــن شـيــن خلـقـهـا
وعـلـوم ابيـهـا ..! مفتـشـل فــي قـرابـتـه
من لارضى بواقع حياتـه .! ولا اقتنـع .!
الــكــذب مـايـسـقـيـه وابـــــل سـحـابـتــه
الله يـهــديــهــم ويــكـــمـــل عــقــولــهــم
رقـيـبـنــا الــلـــي مـوقـنــيــن بـرقـابــتــه
11-11-2012, 09:41 AM
العرض الشجري