ابيات من ذهب

[المنفرد]

‏​إلليله طارلي يألربع سؤالف وعلوم
بعطيكم عن بعض الرياجيل معلومه

من قلبن تواكل داخل صميمه هموم
حتى أخر الليل ياعرب ما ذاق نومه

رجلن لاجيته انشهد يشيل عنك هموم
ورجلن لاجيته يزيدك من همومه

ورجلن يحفظ اسرارك وطبعه كتوم
ورجلن وراك دائم ينكث لك علومه

ورجلن معك بالخير والشر معزوم
ورجلن معك بالشده تبرد عزومه

ورجلن تجيه معزز وتروح محشوم
ورجلن تجيه مثل اللي جارحن صومه

ورجلن تشيد به كل ربعه وكل القوم
ورجلن يعيب كل ربعه وكل قومه