وين الصاحب الي يرفع الراس
الي معدنه نفيس مثل البريق
عز الخوي الي يدوس ماينداس
وينفعك وقت الشدايد ويعلمك الطريق
ذيب ومايعرف الخوف وضربته فاس
مع الاعداء مايرحم ومايكون شفيق
والخوي رفقته تشرح الانفاس
ويفرج عنك الهم والغم والضيق
الخوي الي مايجحد معدنه الماس
ونادر وجوده و قلبه رقيق
الخوي وقت الشدايد مايجتاس
يدفن الخسيس الحاقد الدنيق
يالخوي احذر من بعض الناس
بعض الناس حتى وجودك ماتطيق
ماعليك من الناس انت بعيني طاس
واعرف طبعك وسلومك زين يالرفيق
منت بردي الفعايل ولاتعرف الياس
وتلطم كل ردي فاسق وزنديق
واقطع روس الأعداء بحد الامواس
وخل قلوبهم تغلي وتشب حريق
أمدح الصاحب الي يرفع الراس
وبالعطايا فزاع ماهوب دنيق
مدحت صاحب عريب السياس
والزمن يشهد على اصله العريق
الي ماهو فاهم بعض الكلمات هذي معانيها
يجتاس:تردد
طاس:صار كالقمر في حسنه وبهائه
امواس:موس الحلاقه
دنيق:بخيل / خسيس
بريق:يلمع
عريق:ذات اصل ونسب معروف
الشاعر/محمد العجمي
30-05-2014, 10:09 PM
العرض العادي
