أفـــــــــــــااااااااا!!!!

[مفلح]

الأحبة الكرام...مشاركة منقولة عسى أن تحوز على رضاكم بعد هذا الغياب...

وتقبلوا خالص مودتي،،، مفلح

أفا وشلون رديت الكريم بخاطر ٍ مكسور = رميته للجفاف اللي رماه لديرتك ظامي

أفا مات الوفا ساد الجفا صارت قلوبٍ بور = عليها رانت غيوم المصالح في زمن دامي

أفا والظن خاب وخانت عيون ٍكساها الزور = طلع كل الحكي كذبه سرابٍ لاح قدامي

تعبت من الظلام ولاظلام الا يحده نور = صبرت ارجي عسى صبري هو المفتاح لاحلامي

على كتفي نسفت اغلا غلا واقفيت به مجبور = غريب بزحمة الايام اتابع رحلة الامي

انا لو كل جرحٍ من جروحي صاح لك مقهور = تموت من الهلع لامن نده لك صوته الحامي

انا لوكان قلبي مثل قلبك قاسيٍ مغرور = رميته في دروب التيه رميه مالها رامي

وانا مهما خسرتك ياغلا رابح وانا معذور = عزاي اني وفيت ولا انحنيت لقامة ايامي

كتبت من الدموع اغلا القصيد وقلت لك مشكور = ابد لايشغلك هذا القصيد ولوعة اقلامي

ظاهر الزبن

[السلاطين]

أخي مفلح صــح لســان القائـــل و النـــاقل

استوقفني هذا البيت طويــــــــــــــــــــــــــــلا :

أفا مات الوفا ساد الجفا صـارت قلـوبٍ بـور

عليها رانت غيوم المصالـح فـي زمـن دامـي

بيت لايجسد غدر المحبوبة فقط بل
يجســد واقع مجتمعاتنا

خالص تحياتي
الســــــــــــــلاطين

[ماجد المهنا]

السلام عليكم ورحمة الله وبركاته ..


مفلح ..


صح لسان قايلها وتسلم يدك ..


يعطيك العافيه ..


لاهنت على كل حال ..



ماجد المهنا ..

[السنـــــافية]

مفلح,,,

صح لساااااااااااااااااااااانك

[عيد بن شدقان]

مفلح
صح السانك والسان الشاعر

ولاهنت
اختياااار رائع

[مفلح]

الأخ السلاطين صح بدنك طال عمرك

وصدقت كثرت المصالح في دنيا السرعه
وصار صعب تحصل على الرفيق الوفي
الناس تركض ولا عاد تناظر وين رايحه
"واللي في طريقك ادعسه" صارت الحاله

تسلم على المرور وتقبل تحياتي،،

[مفلح]

ماجد المهنا الله لا يهينك وصح بدنك يالغالي

شكرا على تشريفك للمشاركة

ولك خالص التحية

[مفلح]

السنــــــافيه صح بدنك يالشيخه

ونورت المشاركة بحضورش

ومرحبا ومسهلا

[مفلح]

الأخ ذيـــــاب صح بدنك والله لا يهينك

شكرا على طيب مداخلتك

وتسجيل كريم حضورك

تحياتي لك