قصيدة جميلة
ارجو ان تعجبكم
شاعرها الاخ *محمد القويمانى
ماانت بكفو حتى نمسيك باالخيـر=اللي كفو نجيـه ونحـب راسـه
حتيش لوقالوا لك النـاس يااميـر=رياستـك مانعتبرهـا ريـاسـة
الكبر لايمكـن يكبـرك ياصغيـر=يصغرك ويصيبك بلـى وانتكاسـة
لاصار مانتب مدهـل للمساييـر=ولاتقضي اللازم ولابـك وناسـة
فرقاك عيد وشوفتك ملعنة صيـر=وهرج معك منكر وقربك نجاسـة
على الحشام اثقل من طويق والنير=اهل الفخر واهل الظفر والحماسة
حنا لنا شيمـة وقيمـة وتقديـر=نقدر الطيب علـى طيـب ساسـه
خذنا مع الايـام حكمـة وتفكيـر=وكل عرفنا فضتة مـن نحاسـه
واللي يحسب السود مثل المغاتيـر=يحتـاج لـه تعليـم والا دراسـه
ماللبنادم عن صـدوف المقاديـر=ياللي عليه تشـددون الحراسـة
العقل نعمة والجهل منهجه غيـر=وكل على جسمه يفصـل لباسـه
نعط الرجال احقوقها دون تقصيـر=ونقـوم باالواجـب بليـا تعاسـة
وقولة هلا للضيف قبل المباهيـر=والعود الازرق واللبن وسط طاسة
وصينيـة فيهـا طلييـن وابعيـر=وربع تزيل اعن المعومس عماسه
عند المواقف مانعـرف المعاذيـر=ولانعتبرها فاالمواقـف سياسـة
ارجو ان تعجبكم وتحوز على رضاكم
العرض الشجري