فتنه على الارض تمشى تفتن المخلوق=ياصنعة الرب كيف ابدع فى مخلوقه
امكمله بالحلا وفوق الحلا منطوق=عزالله الزين فى خلى رفع سوقه
فيها الجمال الذى عن البنى مفروق=قدن وخد وعليها اكتـــــــاف ممشوقه
تبهر بطله كم شمس الضحى بشروق=تشادى شمس الضحى فى حزة اشروقه
الجسم ريان عوده كنه الزملوق=من كثر زينه قلوب الغيد محروقه
والخد لماع يلمع مثل لمع بروق=لناض يخفى ظلامن معمى الموقه
ام الذوايب كما شلال جا من فوق=من شافها ينسحر ويزيد به شوقه
وفوقن على زينها فيها دلع مرموق=فيها الدلع ياعرب مستلمن حقوقه
واليا مشت بختره فى بختره ورفوق=وكن الاراضى على ماطاها مشفوقه
صحيح كل البشر فيها اختلاف الذوق=لكن عليها اجتمع هالخلق فى ذوقه
فى شوفها ينخطف قلبى لها ويتوق= توق الصقر للمطير وفكة اسبوقه
مابيننا عهد يربطنا بقوى الشوق =عهد الوفا بيننا والله مابوقه
حيثنها ساكنه حدرن من المعلوق= وحبها سارين فى دمى وعروقه
متبادلين الهوى فى عاشق ومعشوق=نمشى فى سلم الهوى ونغنى طاروقه
30-01-2005, 02:31 AM
العرض العادي
