|
رد الشاعر حمد دبن دلقم على الشاعرالمجهول اللي سب يام
هذي القصيدة للشاعر/ حمد بن دلقم ال دمانان الصقور اليامي واللي سماها حمد 711. قالها ردا على شاعر مجهول ادعى انه من قبايل وايلة. وكان هذا الشاعر المجهول قد قال القصيده ردا على قصيدة حمد (لفتة نظر) اللي قالها في الفخر بقبايل يام وبين فيها حدود قبايل يام مع القبايل اليمنيه مثل وايلة و دهم. وحمد لم يسب قبيلة وايلة ولكن الشاعر المجهول لم يعجبه قول حمد بان وادي العطفين هو ضمن مراعي ابل بني ذهل(قبيلة ال هندي يام + قبيلة الصقور يام)
جتنــــي عــــلوم الشـــاعر اللي يوم كيف وأفتهن = توه سمع( لفــــتة نظر)وأصغا لــــــها
ماكيفــــــــه إلا وارد الكـــــمران ولا البــــاعشن = مايعـــــشق الدلــــه ولا فنجالـــــــها
يامرحبــــــا متقـــدمت لــجزا بزيـــنات المــــون = من كـــــف شـــــاجع حاملن تمثالــها
بالشاعـــر المجـــهول واللي ساعدو له في اللحن = والــلي رضــى بالسالفه وامها لــــــها
باحـــلف وباخـــاطرعـــلى قـــولي وبــقدم رهن =( ماوايــــله) تحــسبك ضمن رجالــــــها
ماحــــد يـعرف أسمك ولا فعلك ولا حد لك فطن = يوم المطـــــارح( وايــــله) تدعى لـــها
منتــــه بشـــاعر( وايـــله) جـــعلك أفـــداهم يالعفن = ماظنـــــتي ترضى بذي وأمثالـــــــها
ماقـصدك إلا تزرع أسبـــاب المــــشاكل والفتــن = وتحقـــــق أهــداف العدى وآمالـــــها
تنهض بنفـــسك وأنـــت مـــثل الي منوخه الوهن = نويــــت بأشـــــياء مستحيل تنالـــــها
ســـبك لـــربعي مثل نطح العنز في الطور المكن = تومــــي وخــــبطك مايزل ظلالــــها
وهـــــرج القـــفا بهــل الوفا والسب فيهم والطعن = مهمــــا تـــكرر مانــقص مثقالــــــها
كــــلن فـــي بـــلد غـــيره مــشيد لــــه ســـكـــن = حاميتــــــه الدوله وصرف ريالـــــها
وأنه من (الهندي) فهو درعي على طــول الزمـــن = وأنا حزامـــــــه لا لــتقوا بسلالـــــها
(ذهليــة) لا جــا نهـــار الضــيق يبرون الشـــــجن = ستر الهــــنوف اللي رمت يشيالــــها
وإن جا النكـــف فــي (يام) حامين الدخيل الا زبـن =( يامــــن) هــل العادات وهم أبطالـــــها
يشــــهد علـــــى ماقول ماضيهم وتاريخ الوطـن = والقبــــــيله وسلــــومها وأمــــــــثالها
حــــصنن منيعـــن لا وزا في ظله الخايف ومن = ولا أنت عـــامل من ضمن عمالــــــها
مادمت متــــغبي فخـــلك مـــــثل لابسات الزبن = روس الــــــرجال تـــعد قبل أفعالـــــها
وإن كـــان متـــحدي وراسك فيه حبن ماطحـن = فالقلــــقله حـــــيل المـــره وأشكالـــــها
وأنـــــا( حمــــــد دلقم) على لشهاد وأسمي بالعلن = يالــــلي تســـــببها ولا تلقـــا لـــــــــــها
واللــــي تحسبه جوف راسك من صماله تطحن = أحســــها تــــحت الــــقدم ونعالـــــــــها
يومــــك تخــــبا ياقليل الفايــــده مــــثل الدفـــن = والــــلي سواتــــك حـــــالته يرثى لـــها
مدري ضغافة زند ولا خوف ولا صـــــغر سن = ولا جـــــدودك هــــــافين مـــنزالــــــها
فإن طعتني أسكت وواصل مهنتك وأزرع وأبن = وانعـــــم وخــــــل القـــــبيله في حالــها
لو بنــــتحـــاكى كــــان عيـــنا حكن مثل الطعن = لــــكن نــــعز الـــنفس مانرضى لــــــها
لن الــــحكا حـــــيل الضعيف اللي ممكنه الحزن = ولا قـــــدر فـــي حاجــــته ينتالــــــــها
بارفع مقامي فـــوق وأرقى وأنــــت خلك مندفن = تلـــــعب بــــك أوهـــامك على موالــــها
واللي لهم تقدير عــــــندي ما يـــــــساوم بالثمن = لوجــــيهها نـــــــسمح خــــطا جهالـــــها
مانرخص الغالي على عـــثرة رفــــيقه لا طمن = يمــــــنى الــــفتى ماتـــــستوي وشمالــها
في كل دار حقها من جـــــيد ولا مــــن وكـــــن = والـــــقبيله مـــــغبون مـــــن ثارا لـــــها
نعم ببن( شاجــــع) على ذكــــــره ولو هو قد دفن = يســـــتاهل الجـــــودات من يعنى لــــــها
والـــــــلي نهار الضيق من ربعه يوطيها الكمن = والطــــــايله يــــتعب لــــها ويطالـــــــها
وقبل الختام وقبل ياتي في الطريـــق انسن وجن = ثـــم عقـــب صــــافيها يــــبين أحــــثالها
نبغى قبايل( وايلــــه) تظــــهر بــــــــموقف متزن = من قـــــول شـــــاعرن قال حاله حالـــها
فان كان يا( همدان) حد منكم بــــقلبه ســـو ظـــــن = ولا تـــــــسمع فـــــي كـــــلام أنذالــــها
فذي بندقي فــــي الحــــــق للــــي وده يطمـــــئن = مـــــقدم عــــشر ويـــــحط لــي معدالها
وأبغى رجالن قبل تدخل فــــي الشــــبايك والغون = تنــــظر لــــــمخرجها قــــــبل مدخالها
فان كان للخوه وللرفــــــــقه وللــــــــــجيره وزن = فطـــــــووا رشــــا الفتنه وهدوا جالــها
وختامها صـــلوا عدد ما لاح بـــــــــراق المـــزن = علــــــى الـــــنبي واله ومن والا لــــها
للمعلوميه: قبيلة وايلة تلتقي مع يام في ههمدان
ذهلية او بني ذهل : يجمع ال هتدي و الصقور
ابن شاجع: هو شيخ ال حسين من وايلة. رحمه الله. وله مواقف مشرفة مع قبيلة يام
وسلامتكم
__________________
تجبرت بالله عقب فرقاك يا نجران = حدوني على الغربة ولاني براعيها
حداني الزمان ادور الرزق بالصمان = وبين الكويت ونجد رجلي معنيها
وانا يوم شفت البرق بسم الله الرحمن = تهاوت ضلوعي والسبب واهج(ن) فيها
تعبرت والعبرة تسيل مع الاشجان =على ديرة(ن) جعل الهماليل تسقيها
سلامي على بنت الغطاريف من همدان= هنوف(ن) على بعض المزايين مغليها
ولولا الحيا لا اقول حبيت بنت فلان = خوف الهداني عند مثله يطريها
للشاعر الكبير / مهذل الصقور
التعديل الأخير تم بواسطة فيصل بن حجرف ; 02-02-2005 الساعة 04:53 PM
|
02-02-2005, 12:43 PM
العرض العادي
