اول مشاركه ( العربجيه )

ابن دريب · #1 04-02-2005, 12:00 AM

السلام عليكم

هذي اول مشاركه

وان شاء الله تنال على اعجابكم

........

انبسـط ياقلـب وارسـل ياعبـادي=واطربينـي ياللحـون السامـريـه
فرحتي غطت علـى كـل اعتقـادي=كـنـي امنـصـب وزيــر ....؟
عينـي اللـي ليلهـا هم ونكـادي=ارقـدي ذالحيـن يالعيـن الشقـيـه
دامنـي حققـت شفـي والمـرادي=مابقـى للهـم فـي قلبـي بقـيـه
ذعذعي يالنـود نسنـاس البـرادي=دامني شفـت الهنـوف الغشمريـه
شفت منهي تنتل اعـروق الفـوادي=بالدلـع والـزيـن ولاالعنجهـيـه
مهـرةٍ لاهـي تسـاق ولا اتقـادي=عينهـا نـجـلا وهيبتـهـا قـويـه
قدهـا فـارع ونسمتهـا زبــادي=خصرها ضامر وضحكتهـا بهيه
لا اقبلـت كنهـا تفرجنـي زهـادي=ولا ادبرت قمت اتوجد ( وا عليـه )
وان حكت تاكل سوالفهـا اعنـادي=وإن تحضرت قلت ماهيب ابدويه
ان تحاكت لي غزل والجـو هـادي=قلت هـذي البنـت كتلـه عاطفيـه
وان تحاكت طيش فالعلـم الوكـادي= والله ان اقـول هــذي عربجـيـه
فارقه فرق البياض امن السوادي=عن صبايا جيلها ذالمودميه
فارقه بالزين والعشق القيادي =وصارت الدنيا معاها مزهريه
حبها في القلب دايم فـي ازديـادي= مانقـص مـره ولا وقـف شويـه
صارت اعيوني وللـراس القنـادي= يعني هي شوفـي وهـي الشاذليـه
اسمعوني يامـلا قبـل اضطهـادي=صفـو النيـات والنـيـه مطـيـه
لا تعذلونـي وانـا رجـلٍ حشـادي=( جعلني ما اخطي ولا يخطى عليه )

وسلامتكم

تايه الغربه · #2 04-02-2005, 12:05 AM

الله عليك اخوي ابن دريب

صح السانك على ( العربجيه )

حسايف · #3 04-02-2005, 12:06 AM

ياسلام يا ابند دريب
وصح لسانك ولاهنت

عـزام · #4 04-02-2005, 01:19 AM

يا سلالالالالالالالالالالالام سلم

يا مرحبا يا ابن دريب

والله لا يهينك على ذا المشاركه الجزززززززززززززززله

وتسلم يمناك لا عدمناك

بس ان كان القصيده لك علمنى عشان انقلها لديوان صدى المشاعر الخاص بقصائد الاعضاء فقط.

وصح الله لسانك يالقرم