أبوي وينه ؟؟؟

[المهند]

قبل مده طويله رحت لعرس إبن عم صديق عزيز علي وهو منكم يا العجمان

فلا تزعلون علي

ويمكن يكون أحد الأعضاء كان حاضر هذه القصه

المهم
دخلت العرس وسلمت على المعرس
وصلينا صلاة العشاء في الخيمه ، وبعد الصلاة جاني طفل صغير وسألني أبوي وينه ؟
قلت له ما أدري ( لأني فعلاً ما أعرفه ) .
قال لي : لا ، أبي أبوي وينه ؟

كان أخوي واقف معاي ، وقلت له شكل هالجاهل بيأذيني وبيفضحني بين هالاجناب
التفت على الجاهل وقلت له شفه تحت الزوليه ، راح ورفع الزوليه ورجع لي وقال ما لقيته .
قلت له : دور عليه تحت كل الزوالي هو منخش عنك ويبيك تدوره وإن لقيته بيوديك الملاهي .
ورحت وخليته وجلست مع أخوي على الكراسي
ما خذيت ألا أخوي ينغزني بيده و يقول لي شوف شقاعد يسوي الجاهل
طالعت وإلا هو يفتر على كل الزوالي يرفعها يدور أبوه تحتها
وأشرت لرفيقي وقلت له ألحق هالبزر شكله بيقلب زواليكم كلها ، تراه يدور أبوه تحت الزوالي .
قال لي رفيقي وهو ميت من الضحك حتى الجهال ما سلموا من مقالبك