ياليتها معـنا على الهجـن سـاعة -سالفة وقصيدة،،،

[عادل الشمري]

بيت جميل جدا للشاعر والفارس الكبير شليويح العطاوي رحمه الله وسبب هذه القصيدة
التي تتضمن هذا البيت كان هناك امرأة تسمى نيله تسمع بشاعرنا شليويح العطاوي الذائع الصيت
حينها وفي أحد الأيام رأت نيله شليويح وقالت لعمتها هلاله : هل هذا الفارس شليويح
قالت العمة : نعم فقالت نيله : علامة قصير ووجهه شين يا ليت طوله وشكله مثل فلان " وكانت تقصد عشيقها " فسمع منها شليويح هذا الكلام فأنشد هذه القصيدة :

نيلـه تطالعنـي بوسـط الجماعـة
وأظـن نيلـة لامستنـي بمنقـود

ياليتها معنا علـى الهجــن ساعة
حتى تعذر وجيهنا لا غـدت سـود

فالليل نسهر مثل راعي الزراعـة
وفالصبح تصلانا السمايم على القود

ميرادنـا عـدٍ تـعـاوا سبـاعـه
خاشرت فيه ذياب ونمور واسـود

وتشوف فينا من فعـول الشجاعـة
وتشوف فعل اللي كما السدو ممدود

وتشوف شغمـومٍ طويـلٍ ذراعـه
صبـار فالشـدات نطـاح للكـود

وتشوف صمـال ٍ بتـوع ٍ بتاعـه
مثل الفهد يلفي من الصيد مضمود

وتشوف خبل ٍ هدمته فـي قناعـه
لا ناقص ٍ ربعه ولا هـو بمفقـود

ولا هو بطماع ٍ يجيـب الطماعـه
ولا يقضي اللازم ولا يكسب الفود

[الخويطري]

لأهنت مليون يــ عادل الشمري

وشكرا لك على القصه والقصيده الرائعه

وانشهد ان شيلويح العطاوي كفوا ووفوا برده الجزل

وتسلم يمينك وماننحرم من وجودك

وتقبل تحياتي

الخويطري

[عادل الشمري]

ولانت يالخويطـري...

أنا ما أشوف القصيدة!!!!

هي موجـودة وإلا لا يالربـع ؟؟؟!!!

[admin]

لاهنت يالشمري علي هذه السالفه هذه البيات من شاعر وفارس معروف مثل شليويح العطاوي
واذكر اني سمعة ان احبته بنت من بنات الباديه واهي ما شافته وكعاده بنات الباديه يعشقون الرجل الطيب والشجاع المهم انها حطة جائزه للي يقدر يوريها شليويح
وفي احد الايام شافته وقالت له : ذكرك جاني وشوفك ماهجاني !
واعتقد ان المعنى لتني ماشفتك
والمعروف عن شليويح انه وجهه اسود من لفح السموم وملابسة وحالته يرثا لها من كثر التعب والمعازي ..
الوكاد ان العطاوي سمع كلامها له ورد عليها بهذي الابيات

يابنت يللي عن حوالي تسالين = وجهي غدت حامي السمايم بزينه
أسهر طوال الليل وانتي تنامين = وان طاح عنك غطاك تستلحقينه
انا زهابي بالشهر قيس مدين = ما يشبعك يابنت لو تلهمينه
مره نضحي والمضحا لنا زين = ومرة نشيله بالجواعد عجينه

وايضا العطاوي معروف انه دائما يحصل له مثل هذه المواقف فالبنات يسمعون عنه كل ماهو طيب وكل وحده ياخوي عادل ترسم لها صوره خاصه بشلويح العطاوي وتغير هالصوره اذا شافوه وجهن لوجه

واتمنى اني اضفة شي عن هذا الرجل الشجاع والشاعر المعروف شليويح العطاوي
وتقبل تحياتي يالشمري

[عادل الشمري]

تسلم تسلم على مرورك الطـيب وإضافتك التي أثرت الموضـوع ودعمته يابوفيصل

فعـلا.....بالصـيت كان شليويح العطاوي "رشدي أباظة " نجـد......لكن بالزول.....

كان " شيخ الجـياكر " ،،،

لكن كسب له صـيت انتشـر عـبر أجـيال وأجـيال ،،،

[اليامي]

لا هنت يالشمري

تحياتي

لاك ولكل


من كان للقصيد فاهم

اليامي

[الرازي]

لا هنت يالشمري

ويعطيك الف عافية على هذا الجهد الرائع من قبلك

وتحيااااااااااتي
ابو وووو عيد

[عادل الشمري]

اليـامي & بوعيــد ...

ولا انتـوا يالأحبــة...

أشكر زيارتكم للموضـوع ،،،

[بنـدر العـواجـى]

لا هنت يا الشمرى على هذة القصيدة


شليويح العطاوى شاعر لا يشق لة خبار


وكلمة اخيرة يا الشمرى ابى منك اذا لك حيلة وقعت طلال القصيدة الى قالها


شليويح


تقبل تحيات النومس

[الهاجـري]

يا جماعه انهاااا كارثه كارثه القصيده ليست للعطاوي بل للفارس المشهور فراج ابن ريفه القرقاح وياجماعه تحروا الدقه والقصه معروفه وموثقه والفارس الشاعر ابن ريفه اشهر من نار على علم