البارحه جيت حزن وهم شعر وسهر = ياطلة ماتلامس لهفة احبابها
ذكراك تشبه وعودك نبراتك والصور = في ليلة صلت عيوني في محرابها
يارغبة الدمع ياصوتِ بسمعي عبر = الموعد اللي نساك هناك ماجابها
الله ياقسوة اسرابك وضعف الشجر = ليتك تواسي غصون العشق بـ غيابها
اقسى من اللي تخيلته حضور وحضر = كلٍ يغنى على ليلاه واهدابها
جاوزت بالبوح نار الاسئله والقهر = يالوعة خضبت روحي من خضابها
ماتشبه الا شعورك واغنيات السفر = ماكنك الا دموع طاحت ثيابها
ماكنك الا وداع وذنب لا يغتفر = ماكنك الا دروب خانت اصحابها
مسكين هالحبر ليلة ماسراك وقصر = ياطول باله على الاوراق وعتابها
كانت ضلوعي يباس وكان صوتك مطر = ياما ضميتك ومات الحلم بترابها
الشعر نار الورق والعين بيت السهر = والصدر غرفة جروحي والجفا بابها
مع تحياتي
اخيكم
دموع الشوق
العرض الشجري