كذب ليل ..

[ماجد المهنا]

السلام عليكم ورحمة الله وبركاته ..


اخواني ..


يشرفني وضع ذا المتواضعه .. واربها تلقى القبول عندكم ..


القصيده لها مناسبه .. خاصه واعتذر عن ذكرها ..


صلوا عـ النبي ..

بنت ياللي شالها أصفر رمادي = والعيون اوساع والخصر النحيل
والخدود اللي خذت لون الزبادي = لعنبوها حي تبغاني قتيل
ما شحنّا منك وصل ولا بعادي = قلتها اكذب وضيعت الدليل
لد لي بالطرف يا ظبي الحمادي = لا تخليني عقب زولك عليل
الجفن عقبك مجافي لرقادي = والسهر ماهوب لي عابر سبيل
مبطي وانا وياه في قدح الزنادي = وكل ما نركد تشبين الفتيل
حبك المغمور وسط القلب( نادي ) = ( ضيع الدوري ) وانا صبري جميل
اتوجد واسمع اغاني ( عبادي ) = وضاقت ( أم كلثوم ) واعلنت الرحيل
اشقيتني بهذلتني وش ذا العنادي ؟ = بالهجر كافر وفي وصلك بخيل
لكن اسمع جدي وخل اعتقادي = يا رفيقي طال حكي وطال ليل
* زينها ( تركي ) مقيمٍ في بلادي = والوصل بيني وبينه مستحيل
وربي اللي خالقٍ كل العبادي = سلم أبوي وسلم جدي ما يميل
بلا اسولف يوم جافاني الرقادي = والسوالف كلبوها كذب ليل !؟

وسلامة روسكم ..




ماجد المهنا