اخلوا وشوفوها

[الجويّر]

هذي قصيده للشاعر عبدالله حزام آل صقهان 0 سمعني القصيده وكان مسنـّدها على اخوه الصغير منصور ومنصور الله يطول في عمره وعمر من يقرا كان عمره 4 سنوات وقال عبدالله

منصور منصور ليتك داري ٍ فيني = انا هوايا من العربان مزيونه

والله لو شفت ماقد شافته عيني = ان تسمح امن الهوا والحب وفنونه

له مدة ٍ غايب ٍ عنّي وجافيني = ليته يجي لو يجي حتى على هونه

الحب حبه ولا فكرت باثنيني = حبه سلب عقلي وسموني مجنونه

حبيت شخص ٍ وفي قلبه يداريني = ابغيه لاكنّ رجلي قاصره دونه

خده كما بارق ٍ بالليل يعميني = يازين شعره اللي حطه على امتونه

وعيونه اللي تقول عيون شاهيني = شيهانة ٍ مطلبه بالصيد مفتونه

رويان عوده مثل غصن الرياحيني = لاهبّ نسناس مالت منذه اغصونه

وآخر كلامي سلامي للمحبيني = اللي طريق الهوا والحب ياوونه


__وسلامتكم__

ورديت عليه وقلت 00




ياللي تسنـّد على ناس ٍ صغيريني = سنـّد على اللي عرف مالا يعرفونه

منصور توّه على درب المحبيني = ولا تربـّع بقلبه حب مزيونه

رد النظر لي تجاوب عينك ابعيني = عطني وبعطيك مظهوره ومدفونه

قولك بشعرك يدلّ ان وضعكم زيني = ودرب المحبّه بممشاكم تصونونه

هنيّكم بالهوا والحب ساليني = عسا الولي مايفرّقكم وتشكونه

عسا يعدّيكم اللي شافته عيني = ياشفت شي ٍ عساكم ماتشوفونه

شفت احمر الموت قاصدني وناويني = والروح لاجتّ تسلّمله قصر دونه

الموت سبّة هموم ٍ دوم تاتيني = مع هجعة الليل لاروّح على هونه

والليل معروف ذكرا للمحبيني = اللي جداهم على نجم ٍ يعدونه

لي قصة ٍ منـّها تبكي البزاريني = قصة غرام ٍ تبيّن للحزن لونه

ماريّة الحزن بعيوني عناويني = ولاّ المواضيع وسط الجوف مكنونه

بفراق نوره توسّطت العذابيني = وهموم قلبي عن السلوى يردونه

مدري صغت للعواذل والشياطيني = او حب غيري ملكها يالله العونه

حسبي عليها بعدها ضاعت اسنيني = عقب الوفا همّـلت عهد ٍ وجب صونه

والله غميضه بعد كنـّا قريبيني = صرنا بعيدين عقب الحب وفنونه

وآخر كلامي غريد الورق يبكيني = مع غيبة الشمس لاغرّد على غصونه

[جريح الكويت]

صح اللسانك ولاهنت


ويعطيك العافيه


تحيتي لك

[فيصل بن حجرف]

مرحبا يالجوير
وصح لسانك ولسان عبدالله بن حزام
عاد هذا زميل العمل مادريت انه شاعر الا الحين

[هند]

مرحبا أخوي الجوير
صح لسانك ولاهنت


يعطيك العافية



السؤدد

[الجويّر]

صحة ابدانكم جميع واقول لخوي راعي الاداره عليك بعبدالله تراه شاعر اربك تجره عندنا وتعلمه






تحياتي / الجويّر

[الملاك]

صح لسانك يالجوير وصح لسان الشاعر عبدالله بن لصقه
وهو شاعر معروف وسمعنا له الكثير من القصائد الغزليه
واتمنى انك تتحفنا بقصيده ثانيه من قصائده الاكثر من الرائعه
لانه قصائده تبين انه منبع للمشاعر ونعم الشاعر

وتحياتي ...
ملاك

[عياف]

صح لسانك يالجوير وصح لسانك يابن الاصقه عاد عبدالله صاحبي الروح بالروووح وعنده قصايد كثيره وعلى كل حال اشكركم جميعا واشكر ابن جوير لأنه عطانا قطره من بحر الشاعر عبدالله بن حزام ابن الاصقه وسلامتكم

[الجويّر]

صحة ابدانكم جميع لاكن عبدالله انا ماعرفت منه الا القصيده هذي اللي قالها لي ورديت عليه وفعلن اللي مثل قصيدة عبدالله هذي وجزالتها تدل ان عنده الكثير من القصيد لاكن ولا يهمكم اعصره واطلع اللي فيه واجيبه لكم






تحياتي / الجويّر

[فيصل بن حجرف]

الجوير والله مادريت انه شاعر الا منك يوم حطيت القصيده هذي
اواجهه كل يوم في الدوام والرجال مايتطرق للأمور هذي
لكن تراني علمته انك منزل له قصيده بس الرجال مايعرف لانت ولا غيره
لكن بنحاول نعلمه ونخليه يشتري كمبيوتر ويشارك معنا

[الجويّر]

مرحبا يالعجمان : والله ياخوك هاذيني احايله على لاب توب والولد قام يهوجس بس ماعليك خلنا نكرب عليه وبيجي اكتاف