ياكيف يبكي انسان من هله محروم = وغيره بين اهله ويحس بالحرمان
لا لا تلوموني ياهل العتب واللوم= والله عن حالتي محد دريان
الناس مرتاحه في لذة النوم =وانا كل ليله على الدمع سهران
اسامر القمره واعد النجوم= والقلب من حسرتي معذب وزهقان
اون والغيض في القلب مكتوم=والدمع يسكب من وسط الاعيان
صرت نحيل الجسم والحال معدوم=وكل من حولي على حالتي شفقان
قلبي غزاه الحزن واصبحت مهزوم=وضاقت بي الدنيا وانا اصيح يفلان
قلبي مولع فيه بالحيل مغروم=مشتاق انا لشوفته واشكثر ولهان
ان جيت ابنشد عن اخباره والعلوم=جازاني بالصد والبعد والهجران
ياكيف ينساني وانا مانسيته ولايوم= ولا حتى ابد طرالي النسيان
غرقت في حبه وانا ماعرف العوم =واصبحت قصة عاشق بالحب غرقان
هذي قصيده متواضعه من كتاباتي اتمنى ان تنال اعجابكم
وطبعا ينقصها الوزن اكيد لاكن بالنهايه يظل الشعر احساس لمن يكتبه
ولاكن اللي عنده اي نقد او تعديل فانا اتقبله بكل رحابة صدر
ومنكم نستفيد تحياتي
العرض الشجري