البارحه دمعي من الجفن همال=ردتني الذكرى لماضي زماني
أبكي على وقت رمانا بالاهمال=فرق قليبي عن المحب ورماني
ياحيف ياغدار ياوقت لازال=أقفى بلا شرح لظرفه وجفاني
ومن بعد حال الامس أتبدل أحوال=حالي تغير وسعد ليله لفاني
في دار ترفات الصباء شفت الآمال=ربي وهبني من نعيمه وعطاني
لقيت لي رمسته تشرح البال=مهره خيار الي مدعجات الاعياني
كرامة للضيف بالحال والمال=يشفي لقاها كل قلب يعاني
تمسي دلال البن أمجنده بهال=تسقى الغريب الي من البعد عاني
من صلب رجال للقول فعال=وام حوت من كاملات المعاني
العود مياس كمالغصن لي مال=والخد برق من لضاته عشاني
والعين سوداء والرمش جتال=لي سلهمت هزت جميع الكياني
في دارها تربى مديمات الخصال=تلقى معانيهن كالذهب بالاوزاني
ياعل ماطاها من السحب همال=وتعشب مفاليها وجميع الاوطاني
البارحه دمعي من الجفن همال..
العرض الشجري