يابنت ياللـي بالعليـا تمشيـن
على الشبح يابنت ليل ونهـاري
نوبن على الشعله تروحين وتجين
ونوبن على طيبه ونوب صحاري
ونوبن اشوفك راكبه بين ثنتيـن
فالتحليه مابين غـادة وسـاري
ونوب اشوفك بالمطاعم تعشيـن
في مطعم يابنت مكشوف عاري
اللبس خالع كان يابنت تدريـن
والبنطلون الجنز بيـن مـواري
لبسك كما هيفاء وروبي ومدلين
اللي على الشاشات هز الخصاري
ابوك ضايع بين لبنـان والصيـن
وامك مع السايق تلف الحـواري
واخوك فالمقهى معسل وتدخيـن
واختك على النت اللعينه سهاري
وعمك يخزن داخل البيت تخزين
وخالك يدق العود يالليل ساري
وانتي تسبين البدو ياملا الشيـن
اهل الكرم متحفظين العـواري
انا بدوي يابنت كانك تخبريـن
البدو حنا خـط ميتيـن نـاري
انا بدوي قبل امس واليوم والحين
ماينحني راسي ولا فيه طـاري
يابنت ياللـي بالعليـا تحوميـن
تراءالصقور تحوم لجل الحبـاري
25-05-2005, 01:01 PM
العرض الشجري