تــعــشــق ردي الســـاس بــنــت القبــيله

[الجويّر]

السلام عليكم ورحمة الله وبركاته
هذي قصيده تشرح عن شي شفناه بالزمن هذا شي يفجع الرجال اللي فيه غيره
وانا كتبت هالقصيده قبل هالمره لاكن المنتدى تعطل قبل فتره وانمسحت القصيده
وانا بالقصيده ما اجمع الكل اجمع اللي فيهم العيب نفسه
قولوا بسم الله





--------------

ياحزام انـا ياخـوك مانيـب شايـب = والشيـب باقيلـه سنـيـن ٍ طويـلـه

توّي شبـاب ٍ بـس شفـت العجايـب = وشفت الكثيـر اللـي وصلنـي قليلـه

شفت الامـور المصدمـات الرهايـب = منهـا قـويّ الحيـل ينـهـدّ حيـلـه

شفت السنافـي عايـش ٍ فـي خرايـب = وعينـه مـن الكتمـان قشـرا عليلـه

جار الزمن واصبح من النـاس غايـب = قفّـا وجوفـه يلتهـب مـن غليـلـه

وهمّـه يلفـه مثـل لـفّ الهبـايـب = وماعـاد يـقـوا للهمــوم الثقيـلـه

وشفت الردي ياحزام فـوق السحايـب = وماكلّ شخـص ٍ فـوق يقـدر يجيلـه

حيـث الخـدم عنـده تعـادل كتايـب = يـاوالله ان الوقـت قــرّب رحيـلـه

واللـي قهرنـي وزاد فينـي لهـايـب = وكسّـر مجاديفـي ولا فيـه حيـلـه

شفـت العـذارا يرتجـن كـل خايـب = وتعشـق ردي السـاس بنـت القبيلـه

تبكي علـى فرقـاه لاصـار غايـب = تقـول احـبـه واعشـقـه ياحليـلـه

تحلحـلـن اعظامـهـا كالخـرايـب = يالله عسـاهـا بالحـيـاة الملـيـلـه

مافكّـرت وشلـون كبـر العقـايـب = وماتـدري انهـا مـن امـور ٍ مهيلـه

ياكيـف للصانـع تـهـلّ الـذوايـب = وياكيف يلمـس كـف بنـت ٍ اصيلـه

وغيره وغيره مـن بـلاوي غرايـب = وماعـاد ميزنـا مـن الصبـح لليلـه


وســـلامــــتــــكــــم


الشاعر / سعود رتيبان الجويّر