قصيده مسندة الى الشاعر حمد عبدالكريم السعيد

[فيصل المشوط]

السلام عليكم ورحمة الله وبركاته

بعد اسنادي القصيده هذي الى حمد عبدالكريم السعيد

كان رده لي بالحرف الواحد هذا هو

الو ,,هلا منو معاي ,, انت منو ,, معاك الشاعر حمد السعيد

حياك الله يابو خالد ,,, انت فيصل العجمي ,,, ان شاءلله

تكفا يابو عبدالله خلنا اخوان واحبايب وخل منك هذا القصيده !!!!

ابو خالد شنو افهم من كلامك هلا كبر علي او ويشهو؟؟

ياخوك خلانا حبايب وانت عزيز وغالي ولك كل الحشمه والقدر

حياك الله يابو خالد ,,, ممكن طلب ياابو عبدالله ,, امر,,, ابيك تسير علي باجر

والله ياخوك ان شاءلله لي مره عليكم يا اهل الجهراء,, حياك الله يابو عبدالله

في اي وقت تشرف والمحل محلك ........ولكم القصيده
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

مثل موج البحر لاجتني هجوسه = مالهن عندي حدود ولانهايه

بها سود وبيض ووجيهن عبوسه=بهن نصح موجهاتن للهدايه

من درس جاب العلامه في دروسه=مانجح بالواسطه ولاوصايه

عادة الأجواد ماتكبر نفوسه= والفروض الخمس للمسلم حمايه

والجمل شقران لاطاحت ضروسه=مايفيده عقبهن هوش ورمايه

والمنافذ ياحمد دوم محروسه=ياوسيع العرف لو تبرم رحايه

يبـتلش من حاسها عقبن نحوسه=الوسيله ما تبرر كل غايه

البحر غدار لايغرك جلوسه= والبحر لاهاج مايمشي برايه

الليالي اسود له يومن تدوسه=ثابتن على الحق ماقلته دعايه

بالقرى المدن واللحيه مهلوسه=بأخر المشوار ولابالبدايه

حادي اللاهبوب يبنا لك طعوسه= وبو خالد قدها فيه الكفايه

[صقر العجمان]

صح لساااانك


يافيصل

يعطيك العافيه على الكلمات الاكثر من رائعة

لك تحياتي

[الجويّر]

الكفاااااااااااااااااااااايه وصح لسانك يافيصل ويعطيك الف عافيه









تحياتي الجوير

[جراح بن ضيدان العجمي]

صح الله اللساانك


وقصيده واافيه ومن واافي




اسلم وسلم

[محمد سالم الشاعر]

صح اللسانك يا فيصل والزين ياتي بالزين.... تسلم يالغالي

[المعقب]

صح لسانك ولاهنت
بس بعرف شي واحد
حمدالسعيد مارد على القصيده ليش لاني مافهمت يوم يقول خلنا من االقصايد وخلنا اخوان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اذا مو كبر يعني اثرت فيه القصيده!!!!!!!!!!!!!!!!!!!!!!!!!!!!!!!!!!!!!

تحياتي لك

[فلاح بن ملبز]

صح لسانك قصيدة رائعه

والله لايهينك على هذي الابيات الجزله...

[فيصل المشوط]

السلام عليكم ورحمة الله وبركاته

اشكركم جميعا على المرور الطيب واعقب على كل من

المعقب في حجات كثيره تمنع الشاعر من الرد

1.يمكن كبر

2.البيوت محكوره

3.او اني اعرف شي غير معروف عند غيري

ولو انك قاري القيصده عدل تعرف شنو اقصد !!

والمنافـذ ياحمـد دوم محروسـه
ياوسيع العرف لو تبـرم رحايـه

يبتلش من حاسها عقبن نحوسـه
الوسيله مـا تبـرر كـل غايـه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,

فلاح ال ملبز الاسم هذا يذكرني برجل المواقف الطيبه عبدالهادي ال ملبز

رجل من خيرة الرجال

يسعدني ويشرفني مرورك يا فلاح يا نسّل كحيلان على قصيده وكم يسعدني مرور الاخوان جميعا

مني لكم جميعا ارقى واعذب تحيه مملوئه بالعطور والياسمين

[العبرةالحائـرة]

صح لسانك ياخوي فيصـــل

[الكاسر]

اخوي فيصل ..

اذا بيتسع صدري اسمع رأيي واذا مو متسع كنك ما شفته

قريت قصيدتك وقريت الكثير من قصايد حمد السعيد

اعتقد عزيزي ما فيه مجال للمقارنه ابد .... حمد السعيد لو عرف لعمره كان واحد من

اشهر شعراء الخليج ؟؟

فا مسألة انه ما رد علشان القصيده محكوره مو صحيح ؟؟

او كبر ما اعتقد حسب ما عرف عنه ؟؟

هناك سبب ثالث ؟؟