السلااااام عليييكم و الرحمة ...
مقارنة بين البنت الناعمة و البنت الدفشة .. هع هع هع
البنت الناعمة
طبعا هذة البنت وهى نايمة فى غرفتها الدبدوب والارنوب كلهم حواليه واذا صحت من النوم ما تقوم الا الساعة وحدة الظهر واللى تصحيها من النوم الشغالة وطبعا تكلمها بالانجليزى و اول ما تصحى من النوم تفتح الستارة والشباك علشان الغرفة تتنفس وشغلت موسيقى رومانسية علشان يكون الجو رايق وتاخذ حمام محترم وبعد ما تطلع من الحمام على المرايةعلى طول تحط من هالكريمات والصبغ .. لازم تحافظ على البشرة .. خلصت من المراية وتتجة الان الى الاستشوار وبعدين تلبس البنطلون الجنز والبلوزة .. وتنزل تاكل الفطور اللى يكون عبارة عن كروسون وعصير برتقال..
البنت الدفشة
تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى ياملا النعاس ماشبعتى نوم ترد الدفشة على امها .. زين زين الحين بقوم وتقعد تأفففففففف ويطلع من فمها نار .. بالاضافة الى انها وهى نايمة كل دقيقة تطيح من على السرير .. وبعدين يدخل اخوها الصغير ويصرخ وجع يالله كفاية نوم .. ترد علية : اطلع من الغرفة والاعلى عينك مخمس الحين .. المهم اخوها اللى اكبر منها يروح لها الغرفة يرفسها وبعد تلك الرفسة العنيفة تصحى من النوم
البنت الناعمة
ما تتغدا الا الساعة 4 ولا 5 ولا تتغدى الا على عيش ابيض مسلوق وسلطة تحافظ على رشاقتها
البنت الدفشة
تتغدا الساعة 12 بالضبط ولا تغدا الا كبسة ولحم او دجاج واذ خلصت تشرب البيبسى شربة واحدة يعنى ما فى مجال انها تتنفس .. وما تسمع الا اصوات مخفية
البنت الناعمة
طلعتها تكون من بعد صلاة المغرب ما تطلع العصر تحافظ على البشرة من ضوء الشمس..
البنت الدفشة
تطلع الساعة 2 القايلة تروح مشى لبيت خوالها لحد ما تنقلب سمرة..
البنت الناعمة
تروح ستار بكس او اى كافية وقبل لا تطلع تمر على الصالون تحط هذاك الميك آب..
البنت الدفشة
تحط كحل يملا العين والروج تقول ما كلة انسان واذا بتروح تروح السوق ولا الحراج
البنت الناعمة
اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها
البنت الدفشة
ها ها ها ها ..ومن قو الضحكه الحاره الثانية تسمعها
البنت الناعمة
اذا تحب تسمع اغانى ما تسمع عربى ما تسمع الا ريكى مارتن طبعا لانة حلو وممثلها المفضل توم كروز لوسامتة وميل جبسون وجيم كارى لخفة دمهم
البنت الدفشة
ممثلها المفضل بو هلال وعبدالناصر درويش ومطربها المفضل خالد الملا ومزعل فرحان ..
البنت الناعمة
لما تتفرج على التلفزيون تقعد على الكرسى وتحط رجل على رجل وتبتسم لان الابتسامة تضفى بشاشة على الوجة ..
البنت الدفشة
تنسدح على الارض وتحط رأسها على المركه وتمد رجلها وتحطها على التلفزيون واذا تبى تغير القناة دقت التلفزيون باصبع رجلها وغيرت القناة
البنت الناعمة
اذا تبى تحلم احلام اليقضة طلعت فى حديقة بيتهم وقعدت على الكرسى هزاز وقام الكرسى يروح ويرجع ..
البنت الدفشة
تروح بالحوش وتمد السجادة اللى فيها خمسة وثلاثين لون احمر واسود وابيض وجايبه بريق الشاي والحب والله لا يوريك السجاده كلها قراش حب..
البنت الناعمة
فى نهاية هالموضوع تقولكم تشاو .. او سى يو .. او بباى
اما الدفشة
فى نهاية الموضوع تقولكم .. حياكم الله .. تأمرون على شىء
منقووووول
06-07-2005, 04:56 PM
العرض العادي
