ون إبن جدلان من لايع لاعه
للشاعر / سعد بن جدلان الأكلبي
ــــــــــــــــــــــــــــــــــــــــــــــــــ ــ
ون أبن جدلان من لايـعٍ لاعـه = كن فـي كبـدي دوافيـر صناعـي
ألعب المنكوس وأحـب روباعـه = مملٍ في الوقـت والوقـت خداعـي
مادريت أن ضحكة الوقت خداعه = شفت مدخالـي ولاشفـت مطلاعـي
لابغيت أسج والا انبسط ساعـه = دق قلبي من وراء حدب الأضلاعـي
كن مابين الضلوع آلـة طباعـة = تشتغـل لانمـت وأقـوم مرتاعـي
هـم قلبـي مايفـرق تجمَاعـه = غير جر الصوت والنـاس هجاعـي
فاقدٍ لي سلعةٍ وأكبـر أبضاعـه = سلعـةٍ تشـراء ولاهيـب تنباعـي
رفقة الطيب ليـا غيـر أطباعـه = أشهد أنهـا كيـةٍ توجـع أوجاعـي
راكب إلي صممه صاحب أصناعه = جمس بيك أب من حديثات الأنواعي
الغريب الي جديدٍ مـن أنواعـه = حوض رفرف مايبي شد وشراعـي
لا أونس البنزين عجلٍ تفرقاعـه = مخطرٍ من سرعتـه يقلـع أقلاعـي
لاتحرك شفت في القاع مشلاعـه = والتواير تظهر الماء مـن القاعـي
ينعش القلب الحزين أبتهملاعـه = لامشـا قـام يتهملـع تهمـلاعـي
لاوطى الأرض العتش كن تهزَاعه = بنت شيخٍ طامحٍ مـن ولـد راعـي
في رجاء الغايب تحَرا لمرجاعـه = تنقـد العشـاق وتطـق الأصباعـي
نفسها من جملة الناس منصاعـه = ماتبـي إلا واحـدٍ ذكـره أيشاعـي
ينحر اللي يأخذ الطيـب بذراعـه = الصديق الصافي الصامـل الواعـي
الوفاء والطيب ساسه ومنباعـه = يوم بعض الطيب تقليـد وصناعـي
لاوصلتوا فأخبروني عن أوضاعه = وأخبروا راعي السمرا عن أوضاعي
أنشدو ويش السبايب بمهزاعـه = لا علـي ناقـص ولا أبيـه فزَاعـي
ودَنا نرضيـه ونحـاول أقناعـه = كان بن مهمل بعـد يسمـع الداعـي
كان يبغـا حـق للحـق قطَاعـه = نقنعـة والحـق ماعنـه مجزاعـي
وكان مبغضٍ في الرياجيل بتَاعـه = لايجـي ناقـد ويلحقنـي أريـاعـي
لصَديق نخلَي النفـس خضَاعـه = مانـوريـه الجـفـا والتمطَـاعـي
الصداقة عندنـا ذخـر وطماعـه = صحبـةٍ ماهيـب صحبـة تمتاعـي
حد جدتها علـى البـرق لماعـه = وإن خذت يومين مفعولهـا ضاعـي
إن تليمنا علـى العـز والطاعـه = وأن تفرقنـا فجـوج الله أوساعـي
ما أطرد المقفي ليا صفط أشراعه = مخبـل اللـي للمقفـيـن تبَـاعـي
من يحط أذنه على كـل سماعـه = جـاه فرقـاً مابعـدهـا تجمَـاعـي
والزباد أختام هرجـي ومطلاعـه = يدفعه من ريحـة المسـك ذعذاعـي
العرض الشجري