فوائد التدخين

[ابوتركى]

كل شخص وله رأى وانا هذا رأى التدخين له فوائد

بغض النظر عن اضراره على جسم الانسان الانسان

عندما يمر على جميع المراحل النفسيه فأنه بلا شعور

يشعل سيجاره حتى تبرد على جاشه

اذا كان متضايق فانه يدخن

اذا كان سعيد فهو يدخن

اذا كان قلق فهو يدخن

وفى دراسه بالولايات المتحده على التبغ اثبت بأن النيكوتين

يحتوى على مهدئات تهدىء من الاعصاب ومن فوائدءه ايضا

فانه يساعد على الهضم خاصه بعد المفاطيح مع بياله شاى

محكوره0

والتدخين تاريخ قديم لدى اهل الباديه حيث من قبل كانوا

يسمونه (العمايدى) وهو عظم شاه(نعجه) ويضعون داخل العظم

من صوف الغنم ويضعون التتن على راس العظم وقد ذكر العمايدى

فى قصائد كثيره من قبل وتغزلوا بالتدخين واليكم القصيده


لو كل من قال اه بريت شكاياه000 اكثرت من قيل اه وابريت روحى

لولا شراب التتن لولاه لو لا ه00 اكويه بالجمر ويكوى جروحــــــى

احط راس العظم بالكيس واملاه00 وامز مزة واحدن به شفـــــــــــوحى



وقد قال بندر سرور رحمة الله عليه

سلط على الدخان لو هو مضرى0000 له حزتن عند احتكام المصيبه


ولابد من وجود اعداء وعذال للدخان حيث قال شاعر



ياشارب الدخان اترك شرابه000 اصح اتوهق بالدعايه والاعلان

كم شاكين يشكى بصدره خرابه0 ومن سبته ثوبه على طول حرقان





ملاحظه 0 ترى مانى عراقى ياشباب


تحياتى

[عبدالله المعيضي]

ابو تركي لاهنت على الموضوع الشيق

شكلك ياابوتركي مدخنه ومدخن عتيد مثلي !!

* طس السبيل من أزرق التتن طسه

* كل ماضاق صدري قمت أولع زقاره

* عمر وزمر وأجعل الهم نسيان

* أرم البكت وأجدع الكبريت يالريمي

والشعراء قالوا الكثير الكثير في التتن او السجائر منهم من يمدح ومنهم من يهجو

الا على فكره ياابو تركي وش نوع زقايرك ؟؟

[ابوتركى]

شكرا عبدالله المعيضى على عبورك الرائع حبيبى


اما زقايرى فهى مالبورو احمر بوكس


تحياتى

[كويتيه]

يعطيك العافيه يا بو تركي.. ماني مدخنه.. بس بالبيت عندنا اكبر مدخن بالعالم اللي اهوو الوالد.. بس كثرته والله مو زينه و من يدمن عليه فتره طويله صعب يتركه .. الله يعينكم.. و يفكم منهااا

اي هذي اهياا اللي تبوسونهاا وادوسونهاا..

[ابن مكتوم]

(تحذير ريسي ان الدخان يسبب السرطان وامراض الريتين)
من الي كتب هذه العباره؟




بن مكتوم

[عزوف]

حرام عليك يا بو تركي هذا تشجيع مبطن

بس ابدعي عليكم مثل دعوة امي لاخوي

يا عل الله يعطيك كرهها


وفعلا اخوي قطعها من فتره والفال لكم انشالله والله يتمم عليه

[ابوتركى]

بن مكتوم شكرا على المرور الجميل

كويتيه وعزوف ها>>>>>>>>>>ى كيف

تحياتى

[عاااااااااادل]

الله واكبر عليها كيف اخليها ............. وانا الذي ذايبن قلبي بمحبتها

كن الزقاره تحاكيني واحاكيها ........وتشعل ضلام الحشا في نور جمرتها

يرتاح بالي ليا كنيت صافيها ...........وانسى هوى اللي معاى انهت علاقتها

[ابوتركى]

الله لايخرمك من الزقاره ياعادل اللى مصبرتك



شكرا على المرور

[بنت راكــــان]

السلام عليكم ورحمه الله

أســـأل الله العلي القــدير أن يفك الأمـــه من هــذه الأفــــه أنه على ذلك قـــدير

واذكر قصه الشاعره غزيل الضفيريه التي قالت ابياتها عندما رأت زوجها يشرب الدخان في قصيده مطلعها:

لاتشرب التتن يالمملوح 00000000 يحرق ثناياك يالغالي

وقصيده الشاعر فراج السبيعي في الدخان

ياشـارب الدخـان مالـك ومالـه = اقطـع شرابـه وتركـه للمهابيـل

اعزم على قطعـه وتـرك مجالـه = وتلقى بداله باشقـر البـن والهيـل

خله لطاف النـار يحـرق ريالـه =كيف الهدس ماهوب كيف الرجاجيل

عليـك بالمـسـواك راك بـدالـه =ترضي به المعبود عدل عن الميـل

وتعلـم القـران فـي كـل حالـه =تعلمـه بالحفـظ واقـره بترتـيـل

تراه نور لمـن صلحـت اعمالـه =حجـه وبرهـان بيـوم التهاويـل

من يشرب الدخـان ماعـز جالـه =حتيش لو يمدح ويذبح مـن الحيـل

معدوم عز ويشريـه مـن هبالـه =ومن غاز دخان دموعـه هماميـل

دائم ابليس اغـواه يقصـي لحالـه =وليا انقطع مخـزاه مايرقـد الليـل

يقفي ويقبل عمـس ممـا جرالـه =لاقفت همومه ذيك هـاذي مقابيـل

متحسف من وقتـه اللـي مضالـه =يوم اخلف دروب الرجال المشاكيل

من طاحبه مغرور لو طـال بالـه =يجلب قرين السـو ويزيـد تظليـل

خطوا الهبيل منومـه فـي خيالـه =مايـدري انـه عرضـه للبهاذيـل

عزي لمـن مثلـه يضيـع حلالـه =غير الخساره منزلـه وادي الويـل

من يستمـر بغايتـه فـي الجهالـه =يصبح عليه اللوم لو طال به طيـل

يابنت كبـي شاربـه شـان فالـه =مالك وماله مكسبـه بـرده الحيـل

حتى ايش لو يزمر وينكس عقالـه =الريح شين وقـل مابـه محاصيـل

والكذب حـذرا لاتحطـه زمالـه =خله لهاف الجد يكتـال بـه كيـل

ماينسعيبـه كـود لاهـل الرزالـه =اللي بعضهـم منتفـخ كنـه الفيـل

ومن طراله عائـل للكـذب قالـه =امـل يجـي بلقـاح والا محاييـل

عز الرجـال سلومهـم بالشكالـه = هبـات ريـح ويتعبـون المعاميـل

هـذا وصلـى الله عـدد مانسالـه =علـى النبـي بتـل الحـق تبتيـل