لو تعتذر وتقول اسف وغلطان= وش لون اعذرك وانت مخزي وخايب
مانيب مثل فلان وفلان وفلان= انا ولد حرن عطيب الضرايب
وين انت يلي خير اساميك ضيدان= وين الشجاع اللي يفك النشايب
يافزعة اللي من عنى الوقت بلشان=وياعيدها لمن لفتك الركايب
البندق اللي عندنا شانها شان= ثارت على بعض الاهل والقرايب
والاش ماينفع ولوكان ماكان=والغيث عند الله جزيل الوهايب
والطيب مايفنى على مر الازمان= ولا الردى هبت عليه الهبايب
ضيدان انا مانمت فالليل سهران= اللحق علي ياشيخ شفت العجايب
وقتن يهين الرجل في كل الاحيان= انشهد انها من كبار العقايب
كانك عرفت اللعب واصبحت فنان= عندي ترى خمسين وسراي شايب
ناصر بن كروز
ماغرد القمري على عوج الاغصان= يامرحبا والقاف ماهوب شايب
بالعكس تو الليل جانا من عمان=واقبل ولاندري وش الليل جايب
يامرحبا ترحيبتن سر وعلان=بك ياولد كروز راع الصعايب
والحمل كانه محتمل له بليهان=عساه لصدوف الزمن والنوايب
اما فزع لي في حياتي كحيلان=ماسرني لاجيت بين النصايب
وانا ترى ماهين نفسي على شان=ادخل السلعه بليا ضرايب
وانا وانا خالك كما سهيل لابان=لاشك مااحب النشب والطلايب
واعد كل السالفه كبوة حصان=واقول جعل ابليس مقفي وغايب
ماني وانا خالك بعاجز وونيان=لانيب لاخايف ولانيب هايب
لاكن يبو كروز للهرج ميزان=ولكل شي يلبناخي سبايب
يغنيك عن خالك منيخر وسرحان=روس الشيوخ اللي تشب الحرايب
قلته وانا شاعر ومن روس شيخان=معربن مجدي يطول السحايب
خالي ولد عمي وابي راس قضعان=من خير ماتشتال عوص النجايب
ضيدان بن قضعان
08-08-2005, 11:55 PM
العرض الشجري