ياللي تصيـّد خطوتي بالعدل ماشين = لاتحسب اني بالوعد مخلف النيّه
الحر يلزم بالوعد مثل لزم الدين = لاشك سجات الهواجيس معميّه
وقتي قساوي جاير ٍ مايعرف اللين = وعفوا اذا بالدين متاخر شويّه
لاكن وفيت الدين مادامكم وافين = ديني وفيته بالحذافير يابنيّه
يابنت شيخ ٍ شامخه زاهيه بالزين = ترى الكبر للي خلق روحك الحيّه
مهما تعلّى فوق حنا ترا عالين = مانتبع المقفي ولو ويش موليّه
مانتبع الا اللي خلق آدم ٍ من طين = رب ٍ علم بالغيب مقبل خوافيّه
قال الجويّر والجويّر سهير العين = يالعنبوا نفس ٍ تردّا من ابنيّه
لارحم ابو جد المعرّب من الجدين = لامن خضع راسه وساوا مواطيّه
ولاهنت يالديّـان مالك معانا دين = دينك واخذته حق ميّه على ميّه
وسلامتكم
الشاعر // سعود رتيبان الجويّر
العرض الشجري