(1)من منطلق فن الملاحه والطيور الطايـرات
ماهمني ناسٍ تطيـر ونـاس معهـا طايـره
عزّيت راس المال عن سوقٍ تبيع البايـرات
ولاني من اللي جا يروّج له بضاعـه بايـره
من حر مالي لا بغيت اشري وحُكم الدايرات
حكمتها يوم السياسـه فـن حكـم الدايـره
ياللي تقول ان اليالي من بلاهـن جايـرات
اعرف ترى بعض اليالي من بلاهـا جايـره
احذر تشب النار ودلالـك عليهـا فايـرات
ياللي تشـب النـار والدلـه عليهـا فايـره
حتيش لو انك حدث وتصير ضمن الصايرات
منهو يقول انك مثال احداث قبلك صايـره؟
شفت النجوم بحكمة الله في فلكهن سايرات؟
عليك بسهيل اليماني ,, كان تقـدر؟ سايـره
06-09-2005, 04:12 PM
احلى الاشعار
العرض الشجري