قصيدة الشيخ والفارس راكان بن حثلين عند عودته من تركيا

فـ ـالـ ـح · #1 11-09-2005, 01:09 PM

قصــة عودت الشيخ والفارس راكان بن حثلين العجمي من الترك

يا فاطري خبّي طوارف طميّـه=يوم اشمخرّت مثل خشم الحصاني
خبّي خبيب الذيب في جرهديـه=لا طالع الزيلان والليـل دانـي
خبّي طميّـه والريـاض العذيّـه=وتنحري برزان زيـن المبانـي
تنحـري لطـام خشـم السريـه=فرز الوغا لا جا نهار الوحانـي
وصلتْ اخو نوره لـزوم علّيـه=قبل الحبيب وقبل قاصي ودانـي
والى قضيت اللازم اللـي علّيـه=اللازم اللى مـا قضـاه الهدانـي
وتذكر المشحـون ديـران حيّـه=مسوّا حبال اكوارهـا بالمثانـي
نبغـى نـدور طفلـة عسوجيـه=ريحة نسمها كالزبـاد العمانـي
لي صاحبٍ ما نيتـي عنـه نيـه=واثره قضى له حاجةٍ ما تنانـي
تباشروا بي عقب سابع ضحيـه=وانا علي ابـرك ليالـي زمانـي
اشره على الطيب ويشره علّيـه=وراه ياخذ عشقتـي مـا تنانـي
ليته صبر عاميـن والا ضحيـه=والا تحرى صاحبي ويش جانـي
اما قعد راكـان ذيـب السريـه=والا يجي يصهل صهيل الحصاني
حريبنا لا اهـدى علينـا هديـه=عندي مجازاته مثل مـا جزانـي
نسهج محله ليـن يخلـف نويـه=يصبر كما يصبر جديع الاذانـي
من القطيف الى النفـود محميـه=الى ان يمشيهـا خـويّ وعانـي
افعالنـا هـذي علينـا وصيـه=فرض علينا مثل صوم رمضاني
لا بد من جمـع يزرفـل كميـه=جموعنا تاطـا الغبـا والبيانـي
في ساعة يظهر من حباله رديـه=والكذب يقطع من حبالـه متانـي
في ساعـه كـل يهمّـل خويـه=لا شاف ضرب مصقلات السناني
روحي وانا راكان زبـن الونيـه=ما يشرب العقبات كود الهدانـي

القصيدة قالها بعد عودته من اسره بتركيا على وقت الدولة العثمانية ، وفي طريق عودته اول ما طب على الامير / محمد العبدالله الرشيد وكذلك الامير حمود العبيد الرشيد صديقه يوم يقول

وصلت اخو نـوره لـزوم علّيـه = قبل الحبيب وقبل قاصـي ودانـي

وبعدها كمّل مسيره الى ديار العجمان يبي ديرته وزوجته التي يقول فيها

نبغـى نـدور طفلـة عسوجيـه= ريحة نسمها كالزبـاد العمانـي

ولكن المفاجأة كانت كبيرة حيث ان الزوجة لما راته قد تأخر كل هذه السنين طلبت تطليقها منه من قبل الشيخ ـ العارفة لظنهم ان راكان مات لا محالة وقد تزوجت من رجل آحر ـ لا اعرف علاقته براكان

تباشروا بي عب سابـع ضحيـه = وانا علّي ابـرك ليالـي زمانـي
اشره على الطيب ويشره علّيـه = وراه ياخذ عشقتـي مـا تنانـي

يتشرّهـ على الطيب اللي اخذ زوجته ويتشرّهـ عليه فقط لأنه طيّب والا الردي ما عليه شرهة

__________________
-

فـ ـالـ ـح · #2 11-09-2005, 01:11 PM

يتبع

يتشرّهـ على الطيب اللي اخذ زوجته ويتشرّهـ عليه فقط لأنه طيّب والا الردي ما عليه شرهة

فيصل بن حجرف · #3 13-09-2005, 05:09 AM

لاهنت اخوي فالح على هذه القصه والقصيده
واللي تزوج زوجته هو الدويش
والله يغفر لهم جميعا

فـ ـالـ ـح · #4 13-09-2005, 10:20 AM

اقتباس:

المشاركة الأصلية كتبت بواسطة فيصل بن حجرف

لاهنت اخوي فالح على هذه القصه والقصيده
واللي تزوج زوجته هو الدويش
والله يغفر لهم جميعا

ارحب يا فيصل

ولانت

والله يرحم الجميع

تحياتي لك وتقديري لشخصك الكريم

فالح

الخريف · #5 13-09-2005, 10:31 AM

لاهنت اخي فالح على القصه والابيات الرائعه للشاعر راكان

ويعطيك العافيه

والله ماكان الفراق اختياري · #6 15-09-2005, 11:57 AM

لا هنت اخوي فالح
على القصة والقصيدة قصة الشيخ/راكان جعل مثواة الجنة الباردة