... كانت تبي شاعر(مصافحه اولى لمنتداء العجمان)

[عايد الحويطي]

كانت تبي شاعر وطاحت بمجنون "="
عاشق شعر والشعر يسكن جنونه
وجت طالبه قلب انجرح كله طعون "="
جت في زمن مابه قلوب حنونه
وجت واستباحتني إلين اسكنت هون "="
في قلب عاشق واستحلت ركونه
من قبلها كم كان بالحزن مسكون "="
ومن بعد حلت فيه هزة سكونه
جتني تقول الحزن بالقلب مدفون "="
من قسوة الاقراب زادة طعونه
ضيفه وانا من ناس دايم يهلون "="
في ضيفهم لامن حضر يكرمونه
وضيفتها قلب لها حيل ممنون "="
بعد ان جلا حزنه وخفت شجونه
وقلت الزمن يابنت ماهو بأمون "="
يقسى على عهد القلوب ويخونه
وايامنا ياغاليه دون في دون "="
ودايم هوانا يقصر الحظ دونه