مرثيه بالمرحوم له بأذن الله عز وجل مسفر بن عكشان

[أحمد بن عكشان]

بسم الله الرحمن الرحيم


واعتقد انها الاخيره لي هنا في هذا القسم


وذلك لعدم وجود تجاوب في قسم الشعر


ومادام الناس ماتبي تسمع ولا تقرا ليش أكتب لهم


لا تزعلوووووون لأني صريح للغايه


وسيكون كلامي هذا لمصلحتكم في المستقبل


فمصلحتكم تهمني جدا



القصيده

ورث المراجل كيف ماسوي الخير = وانا وريث اللي من الطيب فاله

وانا ولد منهو صدوق التعابير = اصل وقبيله وانتساب وسلاله

مامات من ورث رجال (ن) مناعير = مسفر توفا والعوض في عياله

مرحوم يامسفر زبون المخاسير = عندي على قولي جواب ودلاله

تشهد على فعله رجال (ن) مسايير = ويشهد محله ثم تشهد ادلاله

تزاحمت الافعال عندي طوابير = من يوم جيت اعد شاهد فعاله

ابوي عزي حاتفته المقادير = مرحوم ياللي نومستني خصاله

يرسي كما ترسي كبار البوابير = ولا كبر حمله فالمتون ارتكاله

ابكيه ثم تبكيه ذود المغاتير = ويبكي ولد عمه وباقي خواله

وتبكي عجوز ويزعجن الغنادير = ويبكي طفل فاقد ابوه ودلاله

وابكي كما يبكي قهر سالم الزير = في فقد اخوه وكل ماجا مجاله

وعجزت ابلقى يادموعي معاذير = حمد سئلني وارتبكت لسؤاله

يقول : وين ابوي ؟؟ واحترت تحيير = قلت : البقا براسك وباقي عياله

سلامتكم