وقفه مره اخرى مع العندليب عطا الله فرحان
وحلمه الي اتعبه
اتبعني الحلم لين الواقع انكرني=كني مسكت الفرج بيدي وهديته
مافيه داعي على فرقاك تجبرني=حتى الجفا منك ولعني وحبيته
الجرح عدا زمانه لاتذكرني=هذاك وقتٍ تعذرته وجافيته
لو شفت.. دمع القصايد كان تعذرني=تصور ان الشعر يضحك وبكيته
ماغيروني يكود الله يغيرني=كم واحدٍ عنك يبعدني ورديته
وفيت وادري وفايا ما يصغرني=صوبت يم الهدف لاكني اخطيته
من طار سرب الغلا والشوق طيرني=شف ما على الارض واحد ماتعديته
خذني على صدرك الدافي وسيرني=بعض الولع ياخذ الرجال من بيته
ابنشغل في عيونك لا تدورني=ودي بشيٍ اشوفه مابعد جيته
خليت قلبي معك والله يصبرني=مبطي.. وانا.. اقول.. قلبي وين خليته؟
نسيت اعلمك طيفك جاء يسهرني=بس انت ماشفتني وشلون ضميته
اشتقتلك مابغيتك عاد تشكرني=تغيب والشوق ماعمري تباطيته
ماخذ على خاطري والبعد قاهرني=مدري.. شسوي؟ وانا كل شي سويته
العام يوم الوعد تسبق وتنطرني=مستغرب شلون هالموعد تناسيته
وين انت رايح ولا كنك معبرني=ماكني الي على العالم تمنيته
لا صار هذي علومك راح تخسرني=ماعمر احد راح من كيفه وناديته
عند الكرامه ابيعك وانت خابرني=الله وكيلك ترى كل شي مريته
كانه هجر بالسلامه روح وهجرني=اخوي ..لاصد.. عني.. ماترجيته
واعذروني على الاخطاء ان وجدت
العرض الشجري