(تـــمـــهـــل)

[محمد سالم الشاعر]

أسعد الله أوقاتكم بكل خير....اتمنى تنول على رضائكم الكريم

عاتب حبيبي إن كان يرضيك لعتاب=يالله عساني فدوتك كل ساعه
ماقولها لغيرك ولا كل من غاب=الجوف من هجرك يزيد التياعه
وإن ما كفا صدك ولا خاطرك طاب=عمري حلالك لو نويت بضياعه
ناظر عيوني وتعرف العشق لاصاب=ما يرحم اللي غارق إبحر قاعه
الورد يذبل والشعر مثله لاشاب=وأنا رموشي شابت إمن القطاعه
والبيت لو يفقد مراكيز وطناب=أدنا الهبايب العبت في شراعه
واللي خلقنا يا هوا البال أحباب=أنت الوحيد اللي ملكت الرفاعه
صعبه أكون بعينك اليوم كذاب=ويا كيف تسمع للعواذل إشاعه
الحق حق وللمواجيب طلاااب=وطيب لك غايه وهي لك طماعه
مالله أمر تحكم وتظلم بلا أسباب=ولا تتهم شخصٍ بدالك دفاعه
يا منيتي عقب العمر قبر وتراب=ومن رحمة الله ما نفوز بشجاعه

سلامتـــــــكم