والجفا من بين الاصحاب يالصاحب مهوب=
=عيب..لكــن غيره العيب يالــــــــلى تفهمه
والصداقه كنز ماهيب تسمل ســــــمل ثوب=
=وللصديق أن صار ما صار ماذوق لحــــمه
له على ان حده الوقت بشدات انـــــــــــوب=
=ولى عليه اليا كره صــــــاحبه لا يظـــــلمه
والرجل لاصـــــار بيته حجر والسور طوب=
=ماعليه من المــــــنافق لـــــيا رز أعلمـــه
عادنى من دون روحـــــــى ليا شبت شبوب=
=والا كم وكـــــــــم دهانى ارمـــــــوز مبهمه
وكـــــــم نوانى من الاصاحيب دجالن لعوب=
=يبغى ياخذ خيرة ابلــــــــى وانا خذت اغنمه
ومعرفة بعض الاصاحيب ذنب من الذنوب=
=علة مـــــن علته اووف يامــــثقل دمــــــه
علته ماهى تنشـــــــــاف بالميكرو سكوب=
=ودك احـــــــيانا ليا طال صـــــــــوته تكتمه
والرجل لاصار شيخ عزيز ومحســــــــوب=
=استوت زلة لســـــــــانه وزلات اقدمـــــــه
والقصيدة اطول من كذااااا
لبا قلب ضيدان بن قضعان
العرض الشجري