الســـــــــــــــلا عليـــكم.
في احد المنتديات وجدت هذي المساجله بين الشاعر علي الخليوي الشمري والشاعره ام محمد العامريه وحبيت ان انقلها لكم.
يا جاهل بي تراي أكـون عجميـه=
وأحب طاري القصيم ومولدي فيها
ومن العرب افتخر واصلي سعوديه=
والرس هي ديرتي يارب تحميهـا
وعندي قبيلة وعزوة والشرف ليه=
قبيلتي بالمراجـل مـن يضاهيهـا
وأبوي عامر وطيب وصادق النيـه=
لقمه اعياله إلـى ضيفـه يوديهـا
ويشب ناره ونـاره دايمـن حيـه=
يـدق نجـره وقهواتـه يسويهـا
وفي خدمة الضيف دايم يشغل ايديه=
حافـظ لدينـه وأماناتـه ياديـهـا
أمي لطيفة نظيفة عـرض ونقيـه=
ما احد يذمه الى من جيب طاريهـا
محبوبـة للجميـع وصافيـة نيـه=
جيرانهـا مانـوت مـره تأذيهـا
وتقسم لهم من عشاها لو هو شويه=
وهذي تسولف لها وذي تواسيهـا
وعندي أخوان بهم شاره وماريـه=
وأفعالهم طيبـة تشكـر مساعيهـا
وعندي عيال وبنات وأهـل حنيـه=
وهاديهـم الله وجنبهـم معاصيهـا
وارجي من الله كريم يصلح النيـه=
وذريتي يـم درب الخيـر يهديهـا
مالي مطالـب ولا هـذي ولا ذيـه=
الستر هو مطلبي وفروض ااديهـا
وارجي من الله رحوم رحمـة ليـه=
أمـي وأبـوي بجناتـه نلاقيـهـا
ويسكن العود فـي جنـات عليـه=
وأمي معه يـم فردوسـه يوديهـا
ونعم بكـل القبايـل دون خصيـه=
ومليون نعـم ومليونيـن اثنيهـا
الشاعره
العامريه
الاخت ام محمد حياك الله وابقاك لقد استلمت قصيدتك الطيبه
وهذا هو مردي عليها وقد اخلفت بحر القصيده بعض الشي كي استطيع
التعبير اكثر تقبلي تحياتي واعذريني عن التأخر بالرد لظروف عملي
مرحبا يابنت عامر مرحبـا والشمـس حيـه=
مرحبـا ترحيبـة ٍ فـي مستهلـه نبتديـهـا
مرحبا والف ٍ هـلا والـف ٍ غـلا بالعامريـه=
مرحبـا ترحيبـة ٍ والعـود الازرق مقتفيهـا
مرحبا بنت الرجال اخـت الرجـال الغشمريـه=
مرحبا ترحيبـة ٍ مـن خافقـي تلـزم يديهـا
مرحبا عد النجـوم الساريـه واكثـر شويـه=
وعد من ركبوا على ظهور النضا ومن يهتويها
وعد ماهلت حقوق المـزن بطـراف الحويـه=
وعد من يرقد تحت وجه الثرا واللـي عليهـا
اتضحتـي للخليـوي يالعـنـود العسوجـيـه=
اتضحتي يالشريفـه بنـت عـود ٍ يحتميهـا
بنت عود بالكـرم والطيـب ماحـاف الرديـه=
مجلسه عامر على اسمـه والنشامـا يلتقيهـا
يندبه جـد ٍ عريـب ٍ ماهـي بعموقـه رديـه=
يندبـه عجيـم الاول والمراجـل يحتويـهـا
اشهد انك من حـرار ٍ والـدك زبـن الونيـه=
بنـت قـوم الشجاعـه والمنايـا ترتويـهـا
قومك العجمان يابنـت العـرب ماهـي خفيـه=
تـارد حيـاض المنايـا والمعالـي ترتقيهـا
الحرار اللتي تسوق المـوت وسهـوم المنيـه=
في نهار ٍ لختلط عـج الرمـك مـن يقتويهـا
كم شيخ ٍ من يديهـم انطفـت نـاره وضيـه=
وكم هنوف ٍ طوحت بالصوت تنعـي والديهـا
من حربهم ماكسب من حربهـم غيـر البليـه=
ومن لجا فـي ظلهـم نومـه بعينـه يهتنيهـا
محافيظ ٍ من نصاهـم ارقـدت عينـه هنيـه=
صلب يام ٍ من غزوله نـوم عينـه يجتفيهـا
هذا وانـا شمـري ٍ عزوتـي اخـوان ريـه=
ربعي غفيله مدسمـة الصوانـي فـي يديهـا
الكرم سلم ٍ لنـا والطيـب وريـح الشاذليـه=
ورث حاتم انكتـب لشمـر ٍ فـرض ٍ عليهـا
الطنايا اسود حايـل والصحـارى الجرهديـه=
الرجال اللي ثنت مـن دون حايـل تحتميهـا
كم عدون ٍ مـن سطاهـم انعثـر بالمهمهيـه=
وكم شيخ ٍ من رسنها حولوا به مـن عليهـا
شمر ٍ هي شمر ٍ طـول الدهـر تبقـى قويـه=
شمر ٍ عوق الخصيم اللـي تهقـوى يعتليهـا
هذ والله يحفظك يالشاعـره مـن كـل سيـه=
ويحفظ عيال ٍ في عينك يالشريفـه ترتجيهـا
وتهتنين بشوفهـم طـول الدهـر يالعامريـه=
العيـال اللـي رجيتـي ماتخيـب مرتجيـهـا
الشاعر:
علي الخليوي
09-01-2006, 10:37 AM
العرض العادي
