قصيده سمعتها في جوال احدى صديقاتي وللاسف لم يذكر اسم شاعرها ...
الليل ماله رفيق وخوته شينه =
أن طاب لك بأوله ما طاب تاليه
راعي قصى وان تولى القلب يا عوينه=
يتولجه لين يبحث كل خافيه
ادروبه اطوال وتوه عناوينه=
فيه الهواجس تجي عجله وطرقيه
اليا اقبلت من يسار الدرب ويمينه=
شوارد(ن) من بنات الليل منقيه
اتبيح حرمت عزيز الجاه وتهينه=
ما ردها شيمة النفس الحياويه
والبارحه والصبر ما سر راجينه=
حطبت لضلاع لليل وسواريه
احييت انا الذكر من بيني ومن بينه=
طوارين من قبل ذا الليل منسيه
ذكرت لي غالين ديني على دينه=
لو ما ذكرته ذكرت اجمل لياليه
انساه ثم اذكره وان قالت: بادينه=
تشفع له ايامه الحلوه وماضيه
كان الغلا بينا خضر(ن) بساتينه=
والوصل مسموح بروحات والجيه
واليوم يا قبلة الله ويني وينه=
اقفى ولا عاد باقي غير طاريه
عامين بضبط ما جت عيني ابعينه=
كلاً على فاله اقفت به خطاويه
وعامين والقلب تتفجر براكينه=
اشعار وشواق واهات ومحنيه
ما تبدلت نيتي لو شانت الزينه =
الحال هو الحال والنيه هي النيه
والقلب همه وغمه من محبينه=
خلوه بدرب لا حيك ولا حيه
يضمالهم والضما صلب شرايينه=
ويتيه من غيهم واتوه في غيه
الله يبيح الغرام ويرحم اسنينه=
لولاه ما سالت العين الشقاويه
ومن عرض القلب للحب وميادينه=
يصبر ليا عرضونه حامي الكيه
العرض الشجري