اخيل البروق النازحه يمته ياخي=على هجعت السالين عيني تراعيها
لاجيت ابا ارجع حسني بالخوافي شي=وعدت النظر في يمة البرق واثنيها
على دار خل(ن) كل ما أجي قباله حي=اشوف الغلا لو نظرة العين يخفيها
قليل الكلام وهرجته كل ابوها غي=تمتع بها روحي واحلل معانيها
وصوفه على مثله قليله مع اهل الحي=ولا احد ذكرلي بالبني من يحاليها
عليه الجديل ولبته مثل نور الضي=يتيه الدليله لين ياصل حراويها
طويل المعنق والوصايف وصوف ادمي=اليا ذيروها وابعدت عن مفاليها
عليها العيون ونظرة الحب خطره في=اليا سلهمت والا اشبحت من يواليها
وعليه المبيسم خص لامن تبسم لي=الا يالله انك غالي الروح تنجيها
وانا لاعرض لي شخص فعت احسبنه هي=عسى الله يجازي من عرض لي وانا ابيها
عليه اتوجد والتوجد طواني طي=كما طي دلو(ن) طويت من سوانيها
وانا عارف اني ميس واطرد المقفي=من اسباب ناس(ن) دونها من يناحيها
مشاكل غرامي وافقت مع زمان(ن) سي=مقادير وقت(ن) راعي العشق قاريها
أخوٍكم
بـرٍق الوٍسم
العرض الشجري