يا سلام الله على اسياد العرب و المانه !!!

[صلاح العرجاني]

اخواني الأعزاء في منتدى العجمان ..
مساكم / صباحكم خير ..
اهدي لكم هذه المصافحه الأولى وهي عباره عن قصيده في بني عمي العجمان ..
مع العلم اني مها قلت فيكم ماني موفيكم حقكم ..
وكلي رجاء ان تعجبكم القصيده ..
وسامحوني كان قصرت ..

اليكم القصيده ..

يا سلام الله على اسياد العرب والمانه=يا سلام الله عليهم والتحّية حيّه
عد ما هلّ المطر من عاليات امزانه=او عدد ما هبّت النسمه من الغربيّه
يا بني مرزوق يا هل الطيب يا عنوانه=يا هل التاريخ يا الحاظر ويا ماضيّه
يا زعيمين الكرم .. يا جامعين سمانه=يا عقيدين المراجل .. بالفعل والنيّه
اسمحولي ابدي المعنى واصوغ الحانه=وافتخر في عزوتي لا ثار عجّ الهيّه
ماني بعجمي ولكن من بنّي عمّانه=واحمد الله يالنشامى كلنا ياميّه
ان رجعنا للزمان الأولي .. وازمانه=يا كثر ما شدوا المحزم على الجنبيّه
والحسا يشهد عليهم يوم جوا كنزانه=والرضيمه والرياحيّه مع الدرعيّه
والصليب اللي بها البعّير جر أحزانه=يوم جو الاد عارج صوب الهشاميّه
منّهم راكان شيخ الفعل مع فرسانه=وانشدوا "المسقوف"عن فعله وعن طاريّـه
القبايل فالجزيره ما تعدّا أركانه=غار ابن حثلين وصلّها ورا تركيّه
هذي هي الأمجاد ولاّ غيرها ذبلانه=والفخر له يا عرب دلايل مبنيّه
ويا سلام الله على اسياد العرب والمانه=يا سلام الله عليهم والتحيّه حيّه

وسلامتكم .. ولاهنتوااااااااا