تري الأجاويد تدري الناس خطرها

[منصور بن منيخر]

مساء الخير للجميع
قصيدة عسي تحوز علي رضاكم

عندي خبر زين يا بن العم ويهمّك= قبل الجرايد علي العربان تنشرها
فعلك ينومس دناياك وبني عمّك=لا كلّحت شفت الدنياء خناجرها
لكن وقت القسي لا تستخف دمّك= علّم هذولاك غايبها وحاضرها
أن جيت يا مرحبا وأن رحت ما أذمّك= تري الأجاويد تدري الناس خطرها
يا طيّب الراس من خالك ومن عمّك= لو أكثر الناس تعجبني مناظرها
لا تمسح أدموع عينك من طرف كمّك= سوق الركايب وعبرها ودبرها
راحت حياتك لأبوك وفي وصال أمّك= غير الحساني من الله ما تدورها
الله يفرج نهار المعضله همّك= مرسل جميع الرسل للخلق ينذرها
أصبر وبكره يهوّن همّك وغمّك= وأن كان خيّرت في اربع فاختر ايسرها
كم واحد(ن)يا السنافي بالحكي خمّك= عيب النشاما طناها في ضمايرها
من نم لك قدم وجهك في القفي نمّك= وحسنات الأموات تاصل كف قابرها
يا حر راعيك للصيد الجزل زمّك= ضيعت مع زحمة أهل الماشيه ثرها
شدوا وراحوا شمال ونظرتي يمّك =عسي تدل الحرار الشقر ماكرها
ماقلت طلع حروف القاف من فمّك =عدّل وبدل وكسرها وجبرها
واليوم عذرك سراب القافيه زمّك =هانت علي الأوايل لا تكررها
والعود الأزرق علي جمر الغضي شمّك= وأخبار بث الجزيره من مصادرها
تعال وأدخل في جفن العين وأضمّك= تسرح وتمرح وتشرب سيل ماطرها
الله يحفظك ويرحم شايب(ن)ضمّك= دورات الأيام من يقدر يغيّرها
يا حرف ودك تبعثر كيد وألمّك= والشارده متعب القيفان صخرها
يا القاف من نقصك يا القاف من تمّك= وأنا سجينات الأدمغ منك احررها
يا روض وحده بعير القافيه رمّك=حتّي طيور(ن)تلاعب فيك طيّرها
ويا عد موج البحور المظلمه طمّك= والضاميه من يوردها يصدرها
ما عاد يذكر علي سطح الفضاء جمّك= مثل السوالف قليل الناس يذكرها
ويالداب نابك يسبّل للخطر سمّك =علي المخاليق مسلمها وكافرها
لا صار خيل القوافي كلّها رمّك= خاو الذيابه وسايرها وشاورها
والختم هذا الخبر خصّك ولا عمّك= أسلم وسلم علي الواحه وشاعرها

[نشميه القصيميه]

المشاركة الأصلية كتبت بواسطة منصور بن منيخر

مساء الخير للجميع
قصيدة عسي تحوز علي رضاكم

عندي خبر زين يا بن العم ويهمّك=قبل الجرايد علي العربان تنشرها
فعلك ينومس دناياك وبني عمّك=لا كلّحت شفت الدنياء خناجرها
لكن وقت القسي لا تستخف دمّك=علّم هذولاك غايبها وحاضرها
أن جيت يا مرحبا وأن رحت ما أذمّك=تري الأجاويد تدري الناس خطرها
يا طيّب الراس من خالك ومن عمّك=لو أكثر الناس تعجبني مناظرها
لا تمسح أدموع عينك من طرف كمّك=سوق الركايب وعبرها ودبرها
راحت حياتك لأبوك وفي وصال أمّك=غير الحساني من الله ما تدورها
الله يفرج نهار المعضله همّك=مرسل جميع الرسل للخلق تنذرها
أصبر وبكره يهوّن همّك وغمّك=وأن كان خيّرت في اربع فاختر ايسرها

الشاعر القدير...




منصور بن منيخر...





يمسيك بمثلــــــه يالقرم...




يسعدني ويشرفني جدا أن اكون اول من رد على هذه الرائعه.....



جزله يامنصور جزله...




وصح الله لسانك ملااايين ولاهنت...



إختك





نشميه

[(المعيضي)]

السلام عليكم ورحمة الله وبركاته وبعد
تسلم على ذا القصيدة الجزلة وانت عودتنا على الجزل دائما

[مهرة الصمان]

منصور بن منيخر قصيدة جزللللللللللللللللللللللللللللللللله لاهنت على كل بيت خطه قلمك

لك كل الشكر وتقبل تحيااااتي

[عـزام]

اررررررررحب يا ابو محمد

جزززززززل مثل عادتك يالقرم وتاتى بالجزله

صح السانك مدد لا عدد

ولا خلا ولا عدم

[العازف]

أصبر وبكـره يهـوّن همّـك وغمّـك
وأن كان خيّرت في اربع فاختر ايسرها



بن منيخر مرحبااا مليووون
وصح الله الساانك جزل يالغاااالي

ولااا هنت

[فلاح بن ملبز]

صبحك بالنور يا شاعرنا

منصور بن منيخر

صح لسانك على ذا القصيدة الجزله

ولا شلت يمناك على ماقدمت لنا

ولك جزيل الشكر

[منصور بن منيخر]

نشميه القصيم مشكوره علي الرد الجميل

[منصور بن منيخر]

المعيضي لا هنت وبيض الله وجهك

[منصور بن منيخر]

مهرة الصمان مشكوره