وأنتي ارحلي روحي على فالش وانا مابـي رفيق//مابي محبتكم ولابي منش تبريـر ولـقا

[عبدالناصر آل عبدان]

متواضعه

قديمه أتمنى أن تنال القليل من إعجابكم

درب الشقا ياللي مطاولني على طول الطريق=ويارجلي ياللي بالخطى تمشي على درب الشقا

أنا تعبت من المسافه والشقا جرفـه عميق=لاهوب راضي ينـتهـي ولا قـلت ويش اللي بقا

غـديت مثل اللي رقا في برج تزيف وبريق=لا له بدايه لا نهايه ودك إنــه مارقا

بسبت اللي هي تحب وهي تخون أقرب عشيــق=حسبي عليها ثم على قلبي غشيم مـتّـقا

غشيم والله ماأ فرق مـيـزتـي قلبي رقيق=قلبي دليلي يوم قلبي قد تشروا ثم هقا

جــتني على ماأشتهي وصدري يبيها فيه ظيق=هي وسعة الخاطر أبيهــا صدق في وضح النقا

بلاي عـيني ماتميّز بين أحجار و عــقـيـق=و بلاي وقت ماتغير لاكن الناس امحقا

لكن صدق من قال مايطفي الجمر صدر الحريق=ومايروي الماي القراح الا الضمان اللي سقا

وأنتي ارحلي روحي على فالش وانا مابـي رفيق=مابي محبتكم ولابي منش تبريـر ولـقا

وانا على دربي مشيــــت لابي رفــيق ولاصديق=أدل دربي ذا طريقي مدهلي درب الشقا


وسلامتكم