مساكم الله بالخير ,,
حزينه لحظة الفرقا بعد عشرة ثمان اسنين=وحزينه دمعة التايه على سكة عناوينه
الا ياليل ياقاسي الا ياســكة المقفين=الا ياهم يتراقص على بابي شياطينه
على نفس الرصيف اللي جمعنا في نهار اثنين=تواعدنا على الفرقا قبل لاأترك ايدينه
كبيره حيل في حقي طعن هالخافق بسكين=وخلاني على الطيحه ولا حرك سكاكينه
وترجيته على شاني وحلفني بحلوف الدين=وخليته على حلفه وخليته على دينه
وقفا ماألتفت يمي ولا لدت علي العين=وكل الناس ساعتها غدو مابيني وبينه
فمان الله يامفارق فمان الجرح والناسين=فمان الهم واللوعه فمان الصمت في عينه
فمان الدمع لاحدر صعب يرجع ويرقا العين=فمان العز والعزه تفجر بي براكينه
فمان الطير لا قفا ولا عود على الداعين=ولا عود على وكره ولا ملواح داعينه
وسلامتكم
09-03-2006, 07:02 PM
العرض الشجري