بدعوه كريمه من اخ له كل الاحترام والتقدير جيت اصافحكم
اول مشاركاتي عسا ان تحوز رضاكم
بين الوجيه
بين الـــــــــــــوجيه وبين كل المعازيم
شيٍ خفيته يحرق الصـــــــــــــــــــدر جمره
اضحك وعــــــيني من شقا همها تغيم
ادري ورا هالضحك للدمــــــــــــــــع سهره
تصرخ اضلوعي من جروحي محاطيم
وبين العيون أتجـــــــــــــــــول تسعين عبره
سبت هذاك اللــــــــي هروجه تناغيم
اللــــي جفاني وودع الـــــــــــــــروح خطره
ماله شبيهن فالبشر قايد الـــــــــريم
طول وحلا وعيون بالحيل خــــــــــــــــــدره
جسمه ذبحني ياعــــــــرب بالتقاسيم
والا الشفايف جمرتن حيل حمــــــــــــــــره
الــــــــورد شافه وصاح حنا مضاليم
داخت ورد الكـــــــــــــــون من ريح عطره
كـــــــــذاب يامن قال سين ولها جيم
هـــــــــــذا حكاية عشق محتار بأمــــــــره
من لامني ياجعل جــــــــــــوه تكاتيم
لين الثواني تصير ساعات حســـــــــــــره
عزاي تالي الليــــــل وسط التحاليم
انظر خياله وأرتمي فوق صــــــــــــــــدره
جيت الحفل مجبور وبين المعازيم
اضحك وروحي والمعالــيق خطـــــــــــره
وسلامتكم
06-04-2006, 03:33 PM
العرض الشجري