العصور الزايله

[فيصل بن حثلين]

السلام عليكم نهديكم ذا القصيده

صلو على النبى

يالله عفوك مابغيت الاا القليل امن الكثير = يالله بالجنه ولا تقربنى امن الهايله

انا الذى لمن ذكرت امزاحم الحشر الكبير = قمت اتوجد واطلب الله بالدموع السايله

الصدر ضايق والليالي ماتبشرنى بخير = يالله سترك من سنينى والحظوظ المايله

لسج فكرى قام يرمينى على الو ضع الخطير = وسج عن طارى البشر وارقا براس الطايله

لمن رقيت الضلع والمشراف فى حزت أعصير = قمت اتفكر فى المنازل والعصور الزايله

وقمت أتوجد للذى حطو لنا نهج ومسير = اهل الوجيه الطيبه والمسرجات العايله

كل البشر معاد تفرق تاجرن ولا أمير = اهم شى انه قصورك ماهى بمتهايله

واهم شى انك تخاوى امهندسن ولا وزير = ولا تسافر كود فوق الطايرات الجايله

واليا قعدت اضحك وفر الملعقه وسط العصير = ولا تناطقهم بزود احكاى ولا احكايله

ولا تسولف فى المطايا والبهايم والشعير = ولا تنطحهم هبوب البرد ولا القايله

ولا تفيخر فى المغازى والمكاسر والجبير = ولا تفيخر كود بسمن فى كروت العايله

ترا الليالي ماتحدد لك نهايات المصير = يكود لا منك بغيت الجايزه والنايله

وترا الحقاره ماتجى الى من الشخص الحقير = مايوزن الكلمه ولا يعرف بزود الكايله

يالله عفوك مابغيت الى القليل امن الكثير = ويالله سترك من سنينى والحظوظ المايله

وسلامتكم