:
في ذكرى وفاة الشاعرة القطرية الراحلة
( صدى الحرمان )
وسر يا ليل وانته ليل وحسابك على السهـران = أعلمك الحياه ومرحلتها الإنسيابيـــــه
على وجــه البسيطةأفرق الفاضي من المليان = وأغني لي ببيت وتنتحر..عشرين حوريــه
وبعد هبّت على خشمي هبايب موسم الأحزان = تنحرت القصيد.. اللي تبكّيني معانيّــه
أنا عز الله إني..ما نسيتك يا صدى الحرمــان = لو إن مابه علاقة غير حب الخي للخيـــه
تجمّعنا مساحات الأدب والحـــزن والقيفان = وتربطنا تقاليد العرب والشيمه الحيـــه
كثر ما الهم في قلبك ديـــــون مالها ديّان = أحس الكون في عينك. حكومة دكتاتوريـه
أشوف إن في قصيدك سلطة الحاكم على الرعيان = ولو تزعل.. حركات التذمر الانفصاليــه
أنا لي بنت فكـــر من وصلها علمك مسيّان = وطاها ما وطى قلب اليتيم فــ أمه وبيّه
لو أن ما يرهب الشجعان..لا من فرّوا الشجعان = سوى صهلة خيول القوم ودموع السنافيّه
أي والله ببكي وبنثر دموع المعرفــة من شان = تعابير الغلا.. والقلب الأبيض.. والمحنيّـه
وأنا لولا الأحاسيس النظاف وصادق الوجدان = نحرت خيول دمعي قبل تاطىء جفن عينيه
لو إن ما أنتي بعجمية تعازيها على العجمــان = لكنك في عيوني أقرب من الفين عــجميه
لو إن ما أنتي صحابية لها بين الصحابة شــان = لكن عندك من أخلاق أم عمّار الصحابيـه
لكن يا قلب ياللي فيك..غصن يابس وذبـلان = لا تبلش في السنين المقبلة والأولانيــــه
اهي مثل الأديب اللي توفى ظامي وجيعــان = توفى واكتفت كل القبور الإرتوازيـــــه
وأنا مثل العزيز اللي يعرف إن الفقير إنســان = ولكن عذره من الله الأوّل..ثم مخابيــــّه
وهي تدري ما فيه أقسى من مفارق ربى الأوطان= سوى اللي ينكر أن الجمر يحرق رجل واطيـّه
وأنا اللي ما عرف نعمة تساوي نعمة النسيـان = ولولاها غدت كـبد البنادم..جمرة ٍ حيـه
عليها من تباريح الحزن آية من القــــرآن = ويلهم أهلها صبر النبي عيسى و حواريّه
محمد بن الذيب العجمي
العرض الشجري