قصيدة مشعان بن هذال شيخ عنزة و رد نمر بن عدوان

[الـجـبـل]

السلام عليكم ورحمة الله وبركاته ،،


قصيدة الشيخ مشعان بن هذال شيخ مشايخ عنزة:

يا الله يالمطلوب يا خير معبــــــــــود = يا عز عبد ٍ بالخفية شكا لـــــه
يا خير مدك على الناس ماجـــــــــود = ما خاب عبد ٍ كل يوم ٍ يسالـــه
تاسف لقلب به مجاديف ولهـــــــود = ومن الرفاقه خبث الحكي بالــه
عزى لربع طاوعوا شور محمـــــود* = مدري بلاهم غيظ والا جهالـــه
والا بلاهم ردية الحظ وحســـــــــود = لا عاد محد ٍ خاسر ٍ من حلالــه
مهارج فيها على الرجل منقــــــــود = ومجالس ٍ ما فيهن الا الرزالـــه
والله يوم ٍ ان الحق بشهود وعـــــــدود = إني أدور عزهم بالعدالـــــــــــه
ولا فلا لي من هوى النفس مقصـود = الا معزتهم على كل حالــــــــــه
يا مشير بالفرقا طلت وجهك السـود = طرق المراجل ما عليها كفالــــه
المرجلة حبله طويل وممــــــــــدود = يا كود من تقصر عن الما حباله
والى قصر حبله فلا هو بمزيــــــود = كم واحد ٍ يهفي مقامه فعالــــــه
اللي يريد الجود ماهوب مــــــــردود = شوف العيون ولا يعوز الدلالــــه
يرخص بعمره يوم يروي شبا العود = أيضا ولا يبخل على من عنى له
يلعن صبي بنشوته ما ادرك الجــود = ولا هام هومات المراجل ببالــــه
هذاك لا ينعى ولاهو بمفقــــــــــــــــود = ودك مع الخفرات يلبس دلالــــه
يا العبد لا يطغيك في نفسك الــــزود = تراك مثل الفي عجل زوالــــــــه
دنياك لو تعطي مواثيق وعهــــــود = بواقةٍ ما يامن العبد حالـــــــــــه
دنياك مادامت لسعدون* وسعـــــــود* = وعبدالعزيز* اللي حضرنا فعالـــه
ايضا ولا دامت لكســـــــــرى وداود = كم اذهبت حـــي تحطه قبالـــــــه
وصلوا عدد ما حنت المزن برعــود = أو هل مامور المطر من خيالـــه
وعداد ما لبوا بمكة هل القـــــــــود = علــى محمد هو نبي الرسالــــــه

* محمود بن الحميدي بن هذال
* سعدون المعني هنا : سعدون بن عريعر شيخ بني خالد على وقته توفي سنة 1202هـ ..
* سعود : هو الامام سعود بن عبدالعزيز بن محمد بن سعود ثالث أئمة الدولة السعودية الاولى توفي سنة 1229هـ
* عبدالعزيز : هو الامام عبدالعزيز بن محمد بن سعود استشهد وهو يصلي سنة 1218هـ وقول مشعان حضرنا فعاله أي كان بالغا حاضر أفعاله وبعض مغازيه..



رد الشيخ نمر بن عدوان:

يا راكب ٍ حر من الهجن مشـــــــدود = مثل الظليم اللي شرود ٍ جفالـــــــــــــه
يلفي لابن هذال مشعان مقصـــــــود = اللي كما شمس ٍ تبرهج شمالـــــــــه
فان كان يشكي لي من الهم مضهـود = فانا لذاله من شقا الهم قالــــــــــــــه
عزي لربع طاوعوا شور محمـــــود = كل الرفاقة طمهم بالرزالــــــــــــــــه
والله ما صيدي لهم بغض ولهــــــود = با غ معزتهم على كل فالــــــــــــــــه
ما سال عن نقص ٍ ولا سال عن زود = إن الفتى يهفي مقامه فعالــــــــــــــه
نصل صلات الدهم من شفا الـــــرود = وندك دكات النمر بالختالـــــــــــــــــه
كم حر أِقر يطلب الصيد مصيـــــــود = أصبح ربيطٍ في مثاني حبالـــــــــــــه

وسلامتكم ....

الـجـبـل

[محمد أبو زيد]

ونعم فـ إبن هذال ، ونعم فـ إبن عدوان


أخي الجبل ، صح الله لسانك وسلمت يمينك على مانقلت ، والله لايهينك

[يامي في بلاد الله]

الـجـبـل

صح لسانك ولسان شيخ العمارات وعنزة/ مشعان الهذال

كل الشكر

والتقدير

على قصيدة الشيخ

البطل

مشعان الهذال

رحمه الله

وطيب ثراه

[بسكوته]

صح لسااانك مليوون ولسااان الشعاار الكباااار

ولاهنت

[ولد شمر]

صــــــــ لسانك ـــــــح

ومليون نعم ببن هذال

وبعنزه كلهم فديتهم

تقبل تحياتي يالجبل


ولد شمر

[الفجر البعيد]

ونــعــم .....


يلعن صبي بنشوته ما ادرك الجود *** ولا هام هومات المراجـل ببالـه
هـذاك لا ينعـى ولاهـو بمفقـود *** ودك مع الخفـرات يلبـس دلالـه
يا العبد لا يطغيك في نفسك الـزود *** تراك مثـل الفـي عجـل زوالـه
دنياك لوتعطي مواثيق وعهود *** بواقة مايامن العبد حــالــه

صــح لـسـانـك

الفجر البعيد

[الـجـبـل]

الأخوه الكرام

محمد أبو زيد
يامي في بلاد الله
بسكوته
ولد شمر
الفجر البعيد

لكم مني جزيل الشكر والإمتنان

على تفضلكم بالإطلاع والرد

تحياتي

الـجـبـل

[نجمه]

السلام عليكم ورحمة الله وبركاته

والله ومليون نعم بأبن هذال شيوخ العمارات

ونعم ومية نعم بكل عنزي

ولاهنت اخوي الجبل على ذكر ما طاب من القصيد

تقبل احترام وتقدير اختك نجمه

[الـجـبـل]

ونـــعـــم بـك أخت نـجـمـه

أشكرك على تفضلك بالقراءه المتأنيه

والرد الراقي الجميل

أتمنى أن أكون قد وفقت في

أن تنال هذه الأبيات إستحسانك

تحياتي الخالصه لك


الـجـبـل

[ولد شمر]

العفو هذا واجبنا

بعدين انتم لكم غلا خاص بالقلب

لاحرمنا الله منك