هذا القصيد ولا انتظر الرد بالكلام ومن بغى يرد يرد بالرد الجزل والقصيد.........
يا هيه فق من سباتك واسمـع العلـم واف=اسمع وانا انبيك عن هقواتنـا وش عبـن
يكفيك منا ثنين وصلـوا اقصـى المطـاف=وقاموا بفعل منه عظمـى الـدول تكربـن
ولا ما لاحظـت سطـوة لحظـة الإلتفـاف=ورباطة الجـاش والاتقـان ليـن ضربـن
عن كوكب الأرض وينك لحظـة الإرتجـاف=نهـار دس النعـام الـروس بيـن التبـن
يا من تعاظمت واستغربـت ثقـل الخفـاف=هذي الجواهر الى جـن سوقهـن كسبـن
وكان إستثارك سمو النص معنـى وقـاف=نـوادر اداب لاصـحـاب الادب ينسـبـن
والمجد ما يرجي اللي مايعـرف إعتـراف=ومـن لا يعـرف الحقايـق منـه يطلبـن
شم النوايف ماتبصرهـا عقـول الكفـاف=ومـن لا هقـى بالنوايـد منـه مايقربـن
يا من تجاهلتني من كـاده الكـود عـاف=مواجـه(ن) بـه تـذل امالـه ويغلـبـن
من الحجر يولد الصـوان مـاش إختـلاف=والله خلق من حجر خلق وخلق مـن لبـن
تعطى الكرامات أهلها الظاهـرة والخـواف=مكـارم مـن كريـم لاهلـهـا يوهـبـن
أنا من أهـل المكـارم والتقـى والعفـاف=أهل نفـوس علـى نهـج الفضيلـه ربـن
أنا من اللي من الرحمـة قلـوب عجـاف=لاضدوا الضـد صـاروا لـه زوال وغبـن
أنا من ابني شهر مرويـن حـد الرهـاف=مخضبين النوافـع يـوم انـا اخـو وابـن
بين الثقلين صيـت وهـل فعـول تشـاف=وسطواتنا غير لا صـاب السواطـي جبـن
ما نحتزم بالبنـادق غيـر يـوم الزفـاف=نطرب بهـا أفراحنـا وهـن بنـا يطربـن
متعاهدين(ن) ما ننطـح بالبنـادق خـلاف=خوات من شالهـن للحـرب مـا يخطبـن
ننطح بشلف ما يلحقهـا الظمـا والجفـاف=بيدين أهلهن مـن كبـود العـداء يشربـن
بالسيـف والنافعـي ورماحنـا والشـلاف=قـرت حـدود الـديـار ودرت أم اللـبـن
أسود غـاب بهيبتنـا الحمـى مـا يحـاف=واليا زبنـا الدخيـل مـن المثـاري زبـن
والجار في جالنا له مـن شيمنـا لحـاف=وأنظارنا فـي حليلـة جارنـا مـا صبـن
والضيف يلقى البشاشة والقرى في الصحاف=سمن وسمين وعـود أزرق وهيـل وبـن
وخوينـا مـا يكـدر بـالـه ولا يـخـاف=وبنا خيول العفـو عـن زلتـه مـا كبـن
وانت يالعجمي زينة لكل الهفاف=وعندك مفاتيح الكرم مقفله ابوابهن
وان قلت لك في الحرب سلف وسلاف=كم من عجمي عن البيرق يعقبن
الولايل من شهر ردف الرداف=اليا نصيته في الضيق يفزعن احنا وانتوعيال عم واحلاف=على كل منهو صاحب الغدر وامتحن
وتراني يالي بترد علي جلف وجلاف=لا تحط الراس بالراس ترا يكسرن
وان كان تحسبني على العجمان حساف=تراهم من خيرة القوم وهمجن
انتظر الرد منك وابي الرد واف=لا تلحق البردعه الحمار لين اسرعن
هذا القصيد وابغى الرد بالشعر وبنفس عدد الابيات....وان كان مابه احد يرد على الله الخلف
هذا قصيد واعتبره محاوره وكلنا ونعم الف في العجمان وبني شهر.....لكن من باب التسليه نتحاور مع بعض....مشكورين وماقصرتو.......
28-04-2006, 03:01 PM
العرض العادي
