النور ... خدعة فيزياء !!
نواف الدبل... وكفى!
هذا الأسم ماركة إبداعية مسجلة في دفتر ايامنا ، نواف الشاعر الخطير ، المذهل ، الذي كلما فتنا ً بقصيدة حتى يدهشنا بأخرى ، شاعر مكتمل البناء والغناء والثناء... هنا يجهش شعرا َ وهو يكتب قصيدته بصديق عمره محمد الذي قضى نحبه في حادث إرهابي تعرض له في مدنية الرياض ، ومن المفاجآت أن هذه القصيدة قام بغنائها الشاعر سعد علوش في ديوان ((خبر عاجل)) الصوتي لنواف الدبل...
صدق الحياة تعلم اللي مانفع فيه العلام=وحتى القلوب الميته تبكي بوسط الزعزعه
مني سلام من أول الدنيا لآخرها سلام=اللي يبي درس ببلاش يثمن اللي يسمعه
النور خدعة فيزيا واليوم كذبها الظلام=ولا بقى من ظللم خلق الله ولا ضو شمعه
والضيق ضيق القبر - لابالله - بصدور الأنام=بالعكس يا بعض القبور إنها لميتها سعه
والكسر كذبة رياضيات من بسط ومقام=والشاطر اللي يعرف إيش الحل يرفع أصبعه
نعم نعم ما فيه كسر ولا انكسار ولا انقسام=إلا انكسار الرجل لا جاه اتصال وروعه
وأنا لو اتوافد على العلم وازداد الكلام=إن كنت أبا أكذب ثلاثة ما بكذب أربعه
وإذا تذكرت أن دم المسلم على المسلم حرام=أكذب الاخبار لا جابوا طريقة مصرعه
وشلون مسلم تتجه حوله أصابع الاتهام=ضيع شبابه مثل ماضيع شباب اللي معه
أسغفرالله : كني أسمع صوته يرد السلام=مع أن قلبي حس بنه آخر وداع اودعه
ياليت لي شوفه أخيره لو بعد شد الحزام=أقسم بربي لأنزل بنفسي وأقوم أجمعه
وأجمع أشلاءه وأحطه في وسط عيني وأنام=وإذا كتبت آخر قصيدة بازهمه واسمعه
وأقول يا (محمد) عسى اللي تسمعه مني تمام=اشتقت أسمع منك كلمة في قصيدي موجعه
من عادته يكون أول واحد بوسط الزحام=ومن عادته لا غاب جاب اعذار ماهي مقنعه
لكن هالمره يا كبر اعذاره وقل الملام=ياليت لي حيله وأبيع اعضاي واشري مسمعه
جعل بفمه شهادتين وجعلها مسك الختام=اللي تمر بقلبه وهي رايحه عند اصبعه
نواف الدبل
03-06-2006, 06:54 PM
العرض الشجري