يالطويله والله ان حالك مهوب رضىٍ لي=أنتي مرضانه وأنا والله المرضاني
ياشنار الطيب فطرة صايمٍ ومصلي=كل مامريت به سميت بالرحماني
لو يمرونك هل البل والحلال مفلي=شخصوا بأبصارهم في طفح الرباني
ناوين قلط حريبه وآخره متملي=مرخيٍ عمدان وبله كنه العمداني
رأسها منها تقل في مرقبٍ متعلي=كن بعضها من بعض يقول مايعناني
كل ماقامت تلفت بي خذتني كلي=في تصفحها تدورني ولاتلقاني
ياماشاء الله كان والشيطان عنك يولي=يالسبال الضافيه والخد واللحياني
والسنام المنفهق والعاتق المنتلي=وغاربٍ كنه يبي يطلع سنامٍ ثاني
مايضمك من يقول إن الطياح إبلٍ لي=كود عند ابن الكبير وشويه السبعاني
سعـــد بن جــــدلان
العرض الشجري